បើកគេចរថយន្តអ្នកដំណើរស្របគ្នា ក៏ជ្រុលទៅបុកក្បាលនាគ ស្ពានអាកាស ទៅមុខលែងរួច
ដោយ រតនា
ភ្នំពេញ ៖ រថយន្ត តូយូតា ហុីលុច មួយគ្រឿង បើកគេចរថយន្តអ្នកដំណើរស្របទិសគ្នា បានជ្រុលចង្កូតបុកក្បាលនាគស្ពានអាកាស៥មករា បាក់ចំនួន០១ កង់ ។
ហេតុការណ៏នេះបង្កឡើងនាវេលាម៉ោង ០១ និង៥៥នាទីរសៀលថ្ងៃទី ០៧ ខែកក្កដា ឆ្នាំ២០២៣ ត្រង់ចំណុចគល់ស្ពានអាកាស៥មករា (តិចណូ) បណ្តោយផ្លូវ សហព័ន្ធរុស្សី សង្កាត់ដេប៉ូទី ៣ ខណ្ឌទួលគោក រាជធានីភ្នំពេញ ។
តាមប្រភពព័ត៏មានបានអោយដឹងថា មុនពេលកើតហេតុគេឃើញ រថយន្តមួយគ្រឿងម៉ាក តូយូតា ហុីលុច ពណ៏ស្ករ ពាក់ស្លាកលេខ ភ្នំពេញ 2L-2151 បើកតាមបណ្តោយផ្លូវ សហព័ន្ធរុស្សី ទិសដៅពីកើតទៅលិច លុះមកដល់ចំណុចគល់ស្ពានអាកាស៥មករា បានបួងចង្កូតគេចរថយន្ត ដែលកំពុងធ្វើដំណើរស្របគ្នា ក៏ជ្រុលទៅបុកក្បាលនាគ គល់ស្ពានអាកាស បណ្តាលអោយបាក់ចំនួន ០១កង់ ។
រីឯរថយន្ត ខ្ទេចមួយចំហៀងខាងឆ្វេង ផ្នែកខាងមុខ នៃរថយន្ត ហើយកល់និងទ្រូងផ្លូវ ទៅមុខលែងរួច ។
ក្រោយពេលកើតហេតុ សមត្ថកិច្ចមូលដ្ឋានបានមកដល់ទីតាំងកើតហេតុ រួចទាក់ទងបន្តទៅកាន់ការិយាល័យចរាចរណ៏ផ្លូវ ដើម្បីមកវាស់វែង យករថយន្តទៅរក្សាទុករងចាំដោះស្រាយ ៕
