អ្នកចាំទី Yann SommerចាកចេញពីBayern Munich ទៅ Inter Milan
អ្នកចាំទីសញ្ជាតិស្វីស Yann Sommer បានសម្រេចចិត្តចាកចេញពី Bayern Munich ទៅចូលរួមជាមួយក្លិប Inter Milanហើយ។នេះបើតាមការបញ្ជាក់របស់ក្លិបទាំងពីរកាលពីថ្ងៃចន្ទម្សិលមិញ។
មិនមានការបង្ហាញផ្លូវការពីកិច្ចសន្យាផ្ទេរនេះឡើយ តែសារព័ត៌មានអ៊ីតាលីបានចុះផ្សាយថា Inter Milan បានចំណាយលុយ ៦ លានអឺរ៉ូ។
កីឡាករវ័យ ៣៤ ឆ្នាំបានមកដល់ Bayern Munich កាលពីខែមករាដើម្បីជំនួសតំណែង Manuel Neuer ដែលមានរបួស។
ការមកដល់របស់ Sommer មកកាន់ Inter Milan ក៏ជាកម្លាំងសំខាន់ក្រោយការចាកចេញរបស់អ្នកចាំទី Andre Onana ដែលបានចាកចេញទៅកាន់ Manchester United ក្នុងតម្លៃ ៥១ លានអឺរ៉ូ។
Yann Sommer បានជួយ Bayern Munich ឈ្នះជើងឯក Bundesliga លើកទី ៣៣ តាមរយៈជ័យជំនះប្រកួតចុងក្រោយ៕
