កីឡាករ Marcus Rashford បានក្លាយជាការមន្ទិលសង្ស័យថានិងអវត្តមានសម្រាប់ក្រុម Man Utd ក្នុង ការប្រកួតជាមួយហង្សក្រហម Liverpool នៅថ្ងៃអាទិត្យនេះ។
សមាជិកក្រុមជម្រើសជាតិអង់គ្លេសវ័យ២៣ឆ្នាំរូបនេះទើបតែវិលត្រឡប់មកជួយក្រុម ក្រោយព្យាបាលរបួសដោយការវះកាត់ស្មានៅរដូវក្តៅកន្លងទៅ ដោយបង្ហាញខ្លួនលើកដំបូងសម្រាប់ក្របខណ្ឌ Premier League ពេលជួប Leicester City កាលពីចុងសប្តាហ៍មុន។ Rashford មានឪកាសរកបានគ្រាប់បាល់វាយបកតាមស្មើ២-២ ក្រោយប្តូរចូលក្នុងនាមកីឡាករបម្រុង ។
ជំុវិញរបួសរបស់ Rashford នេះដែរ, លោក Ole Gunnar Solskjaer អ្នកចាត់ការក្រុមManUtd បាននិយាយថា”ខ្ញុំសង្ឃឹមថាអ្វីៗនិងល្អប្រសើរ តែអ្វីដែលអ្នកចង់បានគឺវាមិនដូច្នេះនិងអាចចំណាយពេលយូរជាងនេះ»។
បច្ចុប្បន្នក្រុម Man United ឈរនៅលេខរៀង ៦ ក្នុងតារាង Premier League មាន ១៤ ពិន្ទុខណៈក្រុមហង្សក្រហម Liverpool ឈរនៅលេខរៀងងទី ២មាន១៨ពិន្ទុ៕
