បេសកជនអាមេរិកសម្រាប់កូរ៉េខាងជើងជំរុញឱ្យរបបនេះបញ្ឈប់ការបង្កហេតុ, ត្រឡប់ចូលតុចរចារវិញ

អន្តរជាតិ៖លោក Sung Kim បេសកជនអាមេរិកសម្រាប់ប្រទេសកូរ៉េខាងជើង បានជំរុញឱ្យរដ្ឋាភិបាលទីក្រុងព្យូងយ៉ាងបញ្ឈប់នូវអ្វីដែលលោកហៅថា ការបង្កហេតុ និងសកម្មភាពអស្ថិរភាពផ្សេងទៀត ហើយជំនួសមកវិញដោយការត្រឡប់ចូលតុដើម្បីចរចារជាមួយគ្នា។

លោក Kim បានជួបជាមួយសមភាគីកូរ៉េខាងត្បូងលោក Noh Kyu-dukនៅទីក្រុងសេអ៊ូលកាលពីថ្ងៃអាទិត្យ។ប្រេសិតនុយក្លែអ៊ែរអាមេរិករូបនេះបាននិយាយទៅកាន់អ្នកសារព័ត៌មានថាទីក្រុងវ៉ាស៊ីនតោនមិនមានចេតនាណាមួយដើម្បីបង្ករអរិភាពជាមួយរបបនេះ ហើយបានសម្តែងក្តីសង្ឃឹមថាកូរ៉េខាងជើងនឹងឆ្លើយតបជាវិជ្ជមានចំពោះការផ្សព្វផ្សាយជាបន្តបន្ទាប់របស់សហរដ្ឋអាមេរិក។

លោក Kim បាននិយាយថាសហរដ្ឋអាមេរិកបានត្រៀមខ្លួនធ្វើការជាមួយទីក្រុងព្យុងយ៉ាងដើម្បីផ្តល់ជំនួយមនុស្សធម៌ហើយទីក្រុងសេអ៊ូលនិងវ៉ាស៊ីនតោននឹងបន្តបន្តគោលដៅនិងគំនិត រួមទាំងការប្រកាសបញ្ចប់សង្គ្រាមកូរ៉េជាផ្លូវការ។

ថ្លែងទៅកាន់អ្នកយកព័ត៌មាន,ប្រេសិតនុយក្លេអ៊ែរកូរ៉េខាងត្បូងលោក Noh Kyu-duk បាននិយាយថាប្រទេសទាំងពីរបានបញ្ជាក់ជាថ្មីម្តងទៀតនូវការទទួលស្គាល់រួមគ្នាចំពោះតម្រូវការនៃការសន្ទនានិងការទូតដើម្បីធានាសន្តិភាពអចិន្រ្តៃយ៍និងការរំសាយអាវុធនុយក្លេអ៊ែរនៅឧបទ្វីបកូរ៉េ។

លោក Noh ក៏បាននិយាយដែរថាគាត់និងលោក Kimបានពិភាក្សាគ្នាយ៉ាងស៊ីជម្រៅអំពីសេចក្តីប្រកាសបញ្ចប់សង្គ្រាមដែលបានស្នើរនោះ៕