ក្នុងជំនួប El Clasicoរបស់អេស្ប៉ាញក្រុមអ្នកមានបុណ្យ Barcelona បានប្រកួតចាញ់ ក្រុមអធិរាជសReal Madridក្នុងលទ្ធផល ១-២។ ខ្សែការពារកណ្ដាលនិងជាចំណូលថ្មី David Alaba ជាអ្នករកគ្រាប់នាំមុខឲ្យ Madrid មុនពេល Lucas Vazquez ជាអ្នកបន្ថែមគ្រាប់ទីពីរអោយក្រុមភ្ញៀវ។
យ៉ាងណាមិញកីឡាករបម្រុង Sergio Aguero បានប្ដូរចូលនិងរកបានមួយគ្រាប់សងវិញឲ្យ Barcaនៅចុងតង់ទី២។បរាជ័យនេះបានធ្វើឲ្យក្រុមមានមូលដ្ឋានក្នុងតំបន់កាតាឡាន់ធ្លាក់ដល់លេខ៩ ខណៈ Madrid នៅលេខ២នៅតារាងពិន្ទុរLa Liga។
តែទោះជាយ៉ាងនេះក្ដី បើតាមការបញ្ជាក់របស់លោក Ronald Koeman ដែលជាអ្នកចាត់ការក្រុម បាននិយាយថាក្រោយពីបង្ហាញការប្រកួតប្រជែង៩០នាទីពេញនៅជំនួប El Clasico មក គឺវាបានបញ្ជាក់ច្បាស់ថា Barcelona មិនអន់ជាង Real Madrid ឡើយ។ ប្រសិនបើក្រុមរកបាន១គ្រាប់មុន គ្រប់យ៉ាងnwgផ្លាស់ប្ដូរ។
លោកបន្ថែមថា Barcelona លេងល្អជាងនៅតង់ទី១ និងគ្រប់គ្រងការប្រកួតបានល្អ៕
