ឃាត់ខ្លួនជនសង្ស័យ០១នាក់ ជាមួយថ្នាំញៀនជាង ០១គីឡូក្រាម

ខេត្តបាត់ដំបង៖នគរបាលប្រឆាំងគ្រឿងញៀន សហការ ជាមួយនគរ បាលស្រុកគាស់ក្រឡដឹកនាំដោយលោកវរសេនីយ៍ឯក ប៉ាង ហៀង ជាអធិការនគរបាលស្រុក បានបង្ក្រាបបានករណីរក្សាទុកដោយខុសច្បាប់នូវសារធាតុ ញៀន០១ករណីក្នុងបទល្មើសជាក់ស្ដែង ។

លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានអោយដឹងថា កិច្ចប្រតិបត្តិការនេះធ្វើឡើងនៅវេ លាម៉ោង១៦និង៤០នាទី ថ្ងៃទី ២៥ ខែតុលា ឆ្នាំ២០២១ នៅចំណុចអណ្តូងកន្ទួត ស្ថិតក្នុងភូមិគោករកា ឃុំដូនបា ស្រុកគាស់ក្រឡ ខេត្តបាត់ ដំបង ដោយអនុវត្តនូវយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង ។

លោកបន្តថា ជាមួយកិច្ចចុះប្រតិបត្តិការនេះដែរក្នុងបទល្មើសជាក់ស្ដែងសមត្ថកិច្ចជំនាញបានធ្វើការឃាត់ខ្លួនជនសង្ស័យបានចំនួន០១នាក់ឈ្មោះ រស់ សុខី ភេទប្រុស អាយុ៣៦ឆ្នាំ មានទីលំនៅភូមិជំនីក ឃុំអន្លង់វិល ស្រុកសង្កែ ខេត្តបាត់ដំបង ជាមួយវត្ថុតាងចាប់យកបានរួមមាន៖
-ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ ទម្ងន់ ១០៣៦,៧៣ក្រាម (ទាំងសំបក)
-ទូរស័ព្ទដៃចំនួន ០១គ្រឿង (ចាស់) -រថយន្តចំនួន ០១គ្រឿង ម៉ាក TOYOTA CAMRY សេរីឆ្នាំ២០០៧ ពាក់ស្លាកលេខ ភ្នំពេញ 2Q-9842 ដែលមានលេខតួ 4T4BE46K J8R04026 ។

ក្រោយពេលឃាត់ខ្លួនជនសង្ស័យរួមជាមួយវត្ថុតាងរហូតពេលនេះត្រូវបាននគរបាលស្រុកគាស់ក្រឡបញ្ជូនមកកាន់ការិយាល័យប្រឆាំងគ្រឿងញៀនខេត្ត ដើម្បីរៀបចំសំណុំរឿងបញ្ជូនទៅតុលាការអនុវត្តតាមផ្លូវច្បាប់៕