ពិតជាគួរឲ្យអាសូរដល់ប្រជាកសិករណាស់ អស់ពីទឹកជំនន់លិចស្រូវឥឡូវត្រូវបានសត្វចង្រៃបំផ្លាញថែមទៀត

បន្ទាយមានជ័យ៖ ពិតជាគួរឲ្យអាសូរដល់ប្រជាកសិករណាស់ អស់ពីទឹកជំនន់លិចស្រូវឥឡូវត្រូវបានសត្វចង្រៃបំផ្លាញថែមទៀត..។  នៅព្រឹកថ្ងៃទី២៧ខែតុលាឆ្នាំ២០២១នេះអ្នកសារព័ត៌មានយើងបានចុះមកកាន់ ភូមិគោកអំពិល ឃុំអូរប្រាសាទ ស្រុកមង្គលបូរីខេត្តបន្ទាយមានជ័យដើម្បីជួបសម្ភាសន៍ជាមួយបងប្អូនប្រជាកសិករដែលជួបការលំបាកដោយសារតែសត្វកណ្តុរបំផ្លាញផលដំណាំរបស់ពួកគាត់។

គួរបញ្ជាក់ថា÷នៅស្រុកមង្គលបូរីបានរងផលប៉ៈពាល់ទឹកជំនន់ជនលិចស្រូវប្រជាកសិករ តែមានវាលស្រែខាងលិចភូមិគោកអំពិល ឃុំអូរប្រាសាទ ស្រុកមង្គលបូរី ស្រូវមិនបានលិចទឹកទេតែសត្វកណ្តុរឆ្នាំនេះកណ្តុរស៊ីស្រូវច្រើនមានប្រជាកសិករខ្លៈត្រូវបានភ្ជួរព្រួសសារជាថ្មី។

ប្រជាកសិករបានបញ្ជាក់ថា៖មូលហេតុដែលកណ្តុរស៊ីស្រូវកាត់បំផ្លាញព្រោះតែផ្នែកខាងលើត្រូវទឹកជំនន់ជនលិចស្រូវអស់កណ្តុររត់រកកន្លែងទីទួលនិងកន្លែងមិនលិចទឹកទើបឆ្នាំនេះស្រូវដែលមិនលិចទឹកត្រូវបានកណ្តុរស៊ីខុសពីឆ្នាំកន្លងទៅ។

ប្រជាកសិករបានបញ្ជាក់ថា៖នៅពេលកណ្តុរស៊ីស្រូវច្រើនខុសពីឆ្នាំមុនៗទើបប្រជាកសិករបានគ្នាដាក់ថ្នាំសំលាប់កណ្តុរ បាញ់ថ្នាំការពារកណ្តុរស៊ីស្រូវ ការពារមិនឈ្នៈទើបប្រជាកសិករនាំគ្នាយកថង់ផ្លាស់ស្ទិចបិតបាំងជុំវិញស្រូវមិនអោយសត្វកណ្តុរចូលកាត់ ហើយកណ្តុរដែលស៊ីស្រូវភាគច្រើនស៊ីស្រូវដែលផើមដែលជាស្រូវសែនក្រអូបបណ្តាលឱ្យខូចជាច្រើនហិកតានៅវាលខាងលិចភូមិគោកអំពិល ឃុំអូរប្រាសាទ ស្រុកមង្គលបូរី។

ដោយឡែក លោក រ័ត្នដា ស៊ីណង់ អភិបាលស្រុកមង្គលបូរី បានផ្តាំផ្ញើរដល់ប្រជាពលរដ្ឋ ដែលជាកសិករទាំងអស់ អោយមានចិត្តធ្ងន់អត់ធនខន្តីធ្វើអ្វីត្រូវគិតគូរអោយបានល្អិតល្អន់
កុំអោយយកកំហឹងទល់នឹងកំហល់ ចង់កំចាត់សត្វចង្រៃ ដោយប្រើប្រាស់នូវ ឧបករណ៍គ្រោះថ្នាក់ដូចជារាយខ្សែរ លួសតាមភ្លឺស្រែដាក់មូទ័រឆក់កណ្តុរដែលអាចបង្ករគ្រោះថ្នាក់ដល់អាយុជីវិត្តអ្នកដ៏ទៃនិងខ្លួនឯងផ្ទាល់ផងដែរ៕