អន្តរជាតិ៖លោក Joe Biden ប្រធានាធិបតីអាមេរិកបានមានប្រសាសន៍ថា ទីក្រុងវ៉ាស៊ីនតោននឹងផ្តល់ប្រាក់ចំនួន ១០២ លានដុល្លារសហរដ្ឋអាមេរិកដល់សមាគមប្រជាជាតិអាស៊ីអាគ្នេយ៍ ដើម្បីពង្រីកកិច្ចសហប្រតិបត្តិការជាមួយប្លុកនេះ។
លោក Biden បានប្រកាសផ្ដល់ហិរញ្ញវត្ថុនេះកាលពីថ្ងៃអង្គារនៅក្នុងកិច្ចប្រជុំកំពូលតាមអ៊ីនធឺណេតជាមួយមេដឹកនាំអាស៊ាន ដែលជាកិច្ចប្រជុំកំពូលជាលើកដំបូងរវាងភាគីទាំងពីរក្នុងរយៈពេល៤ចុងក្រោយនេះ។
លោកបានមានប្រសាសន៍ថា “ភាពជាដៃគូរបស់យើងមានសារៈសំខាន់ក្នុងការរក្សាឥណ្ឌូប៉ាស៊ីហ្វិកសេរី និងបើកចំហ ដែលជាមូលដ្ឋានគ្រឹះនៃសន្តិសុខ និងវិបុលភាពរួមគ្នារបស់យើងអស់រយៈពេលជាច្រើនទសវត្សរ៍មកហើយ”។
ជំនួយផ្នែកហិរញ្ញវត្ថុខាងលើមានគោលបំណងជួយតំបន់នេះឱ្យងើបឡើងវិញពីជំងឺរាតត្បាតកូវីដ-១៩ និងដោះស្រាយការប្រែប្រួលអាកាសធាតុក្នុងចំណោមបញ្ហាផ្សេងៗទៀត។
លោក Biden បានជំរុញឱ្យអាស៊ានជំរុញ “តម្លៃ និងចក្ខុវិស័យរួមសម្រាប់តំបន់ដែលគ្រប់ប្រទេសទាំងអស់អាចប្រកួតប្រជែង និងទទួលបានជោគជ័យនៅលើទីលានប្រកួតហើយគ្រប់ជាតិសាសន៍ទាំងអស់ មិនថាប្រទេសធំ ឬមានអំណាចធំប៉ុណ្ណា ត្រូវតែគោរពតាមច្បាប់”។
សុន្ទរកថារបស់ប្រធានាធិបតីអាមេរិកត្រូវបានគេជឿថាសំដៅទៅលើប្រទេសចិនដែលកំពុងបង្កើនទម្រង់យោធា និងសេដ្ឋកិច្ចរបស់ខ្លួននៅក្នុងតំបន់នេះ។
រដ្ឋបាលអាមេរិករបស់លោក Biden បាននិងកំពុងធ្វើការដើម្បីជំរុញកិច្ចសហប្រតិបត្តិការជាមួយបណ្តាប្រទេសអាស៊ីអាគ្នេយ៍ដើម្បីទប់ទល់នឹងប្រទេសចិន។
នាពេលថ្មីៗកន្លងមកនេះ,លោកស្រីKamala Harrisអនុប្រធានាធិបតីអាមេរិក និងលោក Lloyd Austin រដ្ឋមន្ត្រីការពារបានធ្វើទស្សនកិច្ចក្នុងតំបន់នេះ៕
