អន្តរជាតិ៖សាធារណរដ្ឋប្រជាធិបតេយ្យកុងហ្គោ (DRC) នឹងបេសកកម្មការទូត និងពាណិជ្ជកម្មនៅទីក្រុងហ្សេរុយសាឡឹម។
លោក Felix Tshisekedi ប្រធានាធិបតីសាធារណរដ្ឋប្រជាធិបតេយ្យកុងហ្គោនិងជាប្រធានសហភាពអាហ្រ្វិក (AU) បច្ចុប្បន្នបានជួបពិភាក្សាជាមួយនាយករដ្ឋមន្ត្រីអ៊ីស្រាអែលlok Naftali Bennett ក្នុងទីក្រុងហ្សេរុយសាឡឹមកាលពីថ្ងៃព្រហស្បតិ៍។នេះបើយោងតាមសេចក្តីថ្លែងការណ៍របស់ការិយាល័យលោកBennettដែលត្រូវបានដកស្រង់ចេញផ្សាយដោយការសែតចិនស៊ីនហ៊ួរនៅថ្ងៃទី២៩ខែតុលាឆ្នាំ២០២១។
លោកTshisekedi បានថ្លែងថា៖ “ប្រទេសរបស់លោកនឹងបើកតំណាងការទូត និងពាណិជ្ជកម្មនៅក្រុងហ្សេរុយសាឡឹម, ដោយបន្ថែមថាលោកគាំទ្រ “ការចូលជាសមាជិករបស់អ៊ីស្រាអែលជាអ្នកសង្កេតការណ៍នៅ AU ហើយកំពុងធ្វើការឱ្យមានប្រសិទ្ធភាព”។
សមភាគីអ៊ីស្រាអែល,លោក Bennett បានថ្លែងអំណរគុណដល់លោកប្រធានាធិបតីសម្រាប់ “មិត្តភាពដ៏ជ្រាលជ្រៅរបស់គាត់ជាមួយអ៊ីស្រាអែល”។
មេដឹកនាំទាំងពីរក៏បានពិភាក្សាគ្នាផងដែរអំពី “ការពង្រឹងកិច្ចសហប្រតិបត្តិការទ្វេភាគីក្នុងវិស័យកសិកម្ម ទំនាក់ទំនង និងពាណិជ្ជកម្ម”។
ក្នុងដំណើរទស្សនកិច្ចនៅអ៊ីស្រាអែល លោក Tshisekedi ក៏បានជួបជាមួយប្រធានាធិបតីអ៊ីស្រាអែល លោក Isaac Herzog និងបានទៅទស្សនកិច្ចនៅសារមន្ទីប្រវត្តិសាស្រ្ត Yad Vashem Holocaust នៅក្រុង Jerusalem។
លោកTshisekedi បានចាប់ផ្តើមដំណើរទស្សនកិច្ចផ្លូវរដ្ឋរយៈពេល៧ថ្ងៃជាលើកដំបូងរបស់គាត់ទៅកាន់ប្រទេសអ៊ីស្រាអែលកាលពីថ្ងៃអង្គារ៕
