ហេតុការគ្រោះថ្នាក់ចរាចរណ៍ឈានដល់ការបាញ់បោះជាច្រើនគ្រាប់បណ្តាលឱ្យបុរសម្នាក់រងរបួសធ្ងន់

អត្ថបទ និង រូបភាព ទឹម រតនា

ភ្នំពេញ៖បុរសម្នាក់បើកបររថយន្តម៉ាក TOYOTA PRIUS មួយគ្រឿងបើកខ្វះការប្រុងប្រយ័ត្នបានទៅគៀររថយន្តមួយគ្រឿងបណ្តាលឲបាក់កញ្ជក់រថយន្តរួចក៏បានចុះពីលើរថយន្តនិយាយសម្របសម្រួលគ្នាស្របពេលនោះក៏បានទាស់ពាក្យសម្តីនិងគ្នាបង្កកើតចេញជាហិង្សារ ឈានដលដកអាវុធចេញពីចង្កេះរួចបាញ់ជាច្រើនគ្រាប់បណ្តាលឲបុរសម្នាក់រងរបួសធ្ងន់បង្កការភ្ញាក់ផ្អើលដល់សមត្ថកិច្ចចុះធ្វើការអន្តរាគម៍ភ្លាមៗ។

ហេតុការណ៍នេះកើតឡើងនៅវេលាម៉ោង៧និង៥០ នាទីយប់ ថ្ងៃសុក្យ ទី ២៩ ខែតុលា ឆ្នាំ២០២១ នេះ ស្ថិតត្រង់ចំណុចទីក្រុងកោះពេជ្យ មូលដ្ឋានសង្កាត់ទន្លេបាក់ ខណ្ឌចំការមន រាជធានីភ្នំពេញ។

យោងតាមប្រភពព័ត៌មាននៅកន្លែងកើតហេតុបានបញ្ជាក់ឲ្យដឹងថា មុនពេលកើតហេតុគេបានឃើញ បុរសម្នាក់បើកបររថយន្តមួយគ្រឿងម៉ាក TOYOTA PRUS មិនចាំស្លាក់លេខធ្វើដំណើរតាមណ្ដោយផ្លូវក្នុងបរិវេណកោះពេជ្របញ្ច្រាស់ទិសគ្នា ខ្វះការប្រុងប្រយ័ត្នក៏បានបើកកៀររថយន្តមួយគ្រឿងម៉ាក TOYOTA PRUS ពណ៌ទឹកប្រាក់ ស្លាកលេខ ភ្នំពេញ2AY-3468 បើកបរដោយបុរសម្នាក់បណ្តាលឲបាក់កញ្ចក់រថយន្តជំហៀងខាងឆ្វេង ភ្លាមនោះភាគីទាំងសងខាងបានចុះពីលើរថយន្តដើម្បីនិយាយសម្របសម្រួលគ្នាទៅវិញទៅមក ភ្លាមនោះក៏បានទាស់ពាក្យសំដីគ្នាយ៉ាងខ្លាំងបង្កើតចេញជាហិង្សា ឈ្លោះប្រកែកគ្នាបណ្ដាលឱ្យបុរសជាជនបង្កផ្ទុះកំហឹងយ៉ាងខ្លាំងក៏បានដកអាវុធចេញពីចង្កេះរួចបាញ់ចំនួន០៥គ្រាប់ត្រូវចំបុរសជនរងគ្រោះចំនួន ៣ គ្រាប់បណ្ដាលឱ្យរងរបួសធ្ងន់ត្រូវបានរថយន្តសាមុយដឹកយកទៅសង្រោះបន្ទាន់ភ្លាមៗផងដែរ។ស្របពេលភ្លាមៗនោះកម្លាំងសម្ថកិច្ចនៃអធិការដ្ឋាននរគបាលខណ្ឌចំការមនសហការជាមួយកម្លាំងសមត្ថកិច្ច ព្រហ្មទណ្ឌ កំរិតស្រាលនៃស្នងការដ្ឋាននរគបាលរាជធានីភ្នំពេញដឹកនាំកម្លាំងជិះត្រួតពិនិត្យក្នុងទីក្រុងកោះពេជ្យក៏ប្រទះរថយន្តរបស់ជនបង្កបេីករថយន្តយកមកទុកចោលខាងក្រោយ អអាគារសុីធីហលក្នុងទីក្រុងកោះពេជ្យចំណែក បុរសជាជនបង្ករត់គេច
ចេញពីកន្លែងកេីតហេតុបាត់ ស្រមោល។

ក្រោយពេលកើតហេតុសមត្ថកិច្ចជំនាញផ្នែកចរាចរណ៍បានយករថយន្តទៅរក្សាទុកនៅអធិការដ្ឋាននគរបាលខណ្ឌចំការមននឹងបន្តចាត់វិធានការស៊ើបអង្កេតស្រាវជ្រាវស្វែងរកឃាត់ខ្លួនជនដៃដល់យកមកផ្ដន្ទាទោសតាមផ្លូវច្បាប់បន្ត៕