ឯកឧត្តម ស៊ុន សុវណ្ណារិទ្ធិ បានថ្លែងនូវការកោតសរសើរដល់ថ្នាក់ដឹកនាំ និង មន្រ្តីគណបក្សប្រជាជនកម្ពុជាគ្រប់លំដាប់ ថ្នាក់ក្នុងខេត្តកំពង់ឆ្នាំង បានអនុវត្តតាមតួនាទី និង ភារកិច្ចរបស់ខ្លួន សម្រេចការងារទទួលបានលទ្ធផលល្អ ប្របកដោយប្រសិទ្ធភាពខ្ពស់

កំពង់ឆ្នាំងៈ ឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង បានថ្លែងបែបនេះ នាថ្ងៃទី៧ ខែវិច្ឆិកា ឆ្នាំ២០២១ នៅសាលប្រជុំស្នាក់ការគណបក្សប្រជាជនកម្ពុជាខេត្តកំពង់ឆ្នាំងក្នុងកិច្ចប្រជុំត្រួតពិនិត្យវឌ្ឍនភាពលទ្ធការងារងារអនុវត្តកន្លងមកនិងត្រួតពិនិត្យការអនុវត្តផែនការរួមគ្នាឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ.សង្កាត់អាណត្តិទី៥ ឆ្នាំ២០២២ ដោយមានការចូលរួមពីឯកឧត្តម ឡុង ឈុនឡៃ ឯកឧត្តម
ម៉ែន ធឿន លោកជំទាវ ដោក សុទ្ធា និងឯកឧត្តមសោម សុផាត អនុប្រធានគណៈកម្មាធិការគណបក្សប្រជាជនកម្ពុជាខេត្ត ឯកឧត្តម លោកជំទាវ សមាជិកអចិន្រ្តៃយ៍គណបក្សខេត្តលោកលោកស្រីប្រធានសាខាបក្សអង្គភាពជុំវិញខេត្ត ប្រធានគណបក្សក្រុង ស្រុកទាំង៨ និង ប្រធានគណបក្សឃុំសង្កាត់ទាំង៧០ចូលរួមផងដែរ។

ឯកឧត្តម ស៊ុន សុវណ្ណារិទ្ធិ បានជម្រុញអោយថ្នាក់ដឹកនាំនិងមន្រ្តីគណបក្សប្រជាជនកម្ពុជាគ្រប់លំដាប់ថ្នាក់ត្រូវពង្រឹងការគ្រប់គ្រងរចនាសម្ព័ន្ធសមាជិកគណបក្សដោយមានវិន័យ ក្រមសីលធម៌ សាមគ្គីធម៌ ឯកភាពក្នុងគណបក្សនិងពង្រីកសមាជិកថ្មីដោយធានាបានទាំងបរិមាណនិងគុណភាព។ពង្រឹងការអនុវត្តច្បាប់និងពង្រឹងការការពារសន្តិសសុខ សុវត្ថិភាព សណ្តាប់ធ្នាប់អោយបានល្អជូនប្រជាពលរដ្ឋ។

បន្តបំរើសេវាដោះស្រាយសំណូមពរចាំបាច់និងសំណូមពរតម្រូវការ និងទំនាស់ផ្សេងៗជូនប្រជាពលរដ្ឋអោយបានទាន់ពេលវេលា។ បន្តយកចិត្តទុកដាក់ការគ្រប់គ្រងជីវភាពប្រជាពលរដ្ឋតាមរយៈរក្សាស្ថិរភាពតម្លៃទំនិញចាំបាច់នានាសម្រាប់ជីវភាពប្រចាំថ្ងៃរបស់គាត់។បន្តការការពារធនធានធម្មជាតិនិងចាត់វិធានការម៉ឹងម៉ាត់ និង ផ្សព្វផ្សាយអោយប្រជាពលរដ្ឋយល់កុំអោយធ្វើចំណាកស្រុកខុសច្បាប់ជាពិសេសទប់ស្កាត់ការជួញដូរមនុស្សកុំអោយកើតមានក្នុងដែនសមត្ថកិច្ចទទួលខុសត្រូវរបស់ខ្លួន។

ឯកឧត្តម ស៊ុន សុវណ្ណារិទ្ធិ បានផ្តាំផ្ញើដល់ថ្នាក់ដឹកនាំ និងមន្រ្តីគណបក្សប្រជាជនកម្ពុជាគ្រប់លំដាប់ថ្នាក់ត្រូវផ្សព្វ
ផ្សាយដល់យុវជនយុវនារីគ្រប់អាយុអោយទៅចុះឈ្មោះបោះឆ្នោត និង ប្រជាពលរដ្ឋក្នុងដែនសមត្ថកិច្ចទទួលខុស
ត្រូវរបស់ខ្លួនទៅពិនិត្យឈ្មោះក្នុងបញ្ជីបោះឆ្នោតតាមការកំណត់របស់គ.ជ.ប។ត្រួតពិនិត្យនិងរៀបចំបញ្ជីឈ្មោះបេក្ខជនក្រុមប្រឹក្សាឃុំ សង្កាត់អាណត្តិទី៥ដើម្បីចូលរួមប្រកួតប្រជែងបោះឆ្នោតនៅឆ្នាំ២០២២។ ជម្រុញការចាក់វ៉ាក់សាំងនិង ត្រូវបន្តផ្សព្វផ្សាយនូវវិធានការការពារទប់ស្កាត់ជំងឺកូវីដ១៩តាមការណែនាំរបស់ក្រសួងសុខាភិបាល និង អនុវត្តតាមអនុសាសន៍របស់សម្តេចប្រមុខរាជរដ្ឋាភិបាលគឺ៣ការពារនិង៣កុំអោយបានជាប់ជាប្រចាំដើម្បីកាត់ផ្តាច់អោយបានការចំលងក្នុងសហគមន៍យើង៕