អន្តរជាតិ៖ទីភ្នាក់ងារជនភៀសខ្លួនរបស់អង្គការសហប្រជាជាតិកំពុងប្រញាប់ប្រញាល់ផ្គត់ផ្គង់ជំនួយតាមយន្តហោះទៅកាន់ប្រទេសអាហ្វហ្គានីស្ថាន ដើម្បីជួយជនភៀសខ្លួនរបស់ប្រទេសនេះឱ្យរួចផុតពីរដូវរងាដ៏អាក្រក់នាពេលខាងមុខ។
យន្តហោះដែលជួលដោយអង្គការ UNHCR មានផ្ទុកទៅដោយកម្រាលឥដ្ឋ និងសម្ភារៈប្រើប្រាស់ប្រមាណ ១០០ តោន បានទៅដល់អាកាសយានដ្ឋានក្នុងរដ្ឋធានីកាប៊ុលជាបន្តបន្ទាប់ចាប់តាំងពីថ្ងៃអង្គារ៍សប្ដាហ៍មុន។
UNHCR និយាយថា រហូតមកទល់ពេលនេះ ប្រជាជនអាហ្វហ្គានីស្ថានប្រមាណ៧សែននាក់បានផ្លាស់ទីលំនៅ បន្ទាប់ពីបានភៀសខ្លួនចេញពីផ្ទះរបស់ពួកគេដោយភ័យខ្លាចក្រុមតាលីបង់និងដោយហេតុផលផ្សេងៗទៀត។
ស្ថានភាពសេដ្ឋកិច្ចរបស់ប្រទេសកាន់តែយ៉ាប់យ៉ឺន ខណៈដែលទ្រព្យសម្បត្តិនៅក្រៅប្រទេសរបស់រដ្ឋាភិបាលអាហ្វហ្គានីស្ថានត្រូវបានបង្កក ដែលបណ្តាលឱ្យមានវិបត្តិមនុស្សធម៌ធ្ងន់ធ្ងរ រួមទាំងការខ្វះខាតស្បៀងអាហារផងដែរ។
សមាជិកការិយាល័យរបស់អង្គការ UNHCR នៅទីក្រុងកាប៊ុល, លោក Moriyama Takeshi បាននិយាយថា ប្រជាជនអាហ្វហ្គានីស្ថានរាប់ពាន់នាក់កំពុងប្រឈមមុខនឹងស្ថានភាពលំបាកហើយឪពុកម្តាយខ្លះបានបង្ខំចិត្តលក់កូនៗរបស់ពួកគេទៀតផង។ លោកបានបន្តថា អាហ្វហ្គានីស្ថានអាចជួបប្រទះវិនូវបត្តិមនុស្សធម៌ដ៏អាក្រក់បំផុតថែមទៀតនៅរដូវរងាខាងមុខនេះ៕
