អន្តរជាតិ៖មជ្ឈមណ្ឌលគ្រប់គ្រង និងបង្ការជំងឺឆ្លងអាហ្វ្រិក (CDCអាហ្រិក) បាននិយាយថា ចំនួនករណីឆ្លងCOVID-19 ដែលបានបញ្ជាក់នៅក្នុងទ្វីបអាហ្រ្វិក បានកើនឡើងដល់ ៨,៦០៧,៤៣៨ករណីហើយគិតត្រឹមល្ងាចថ្ងៃចន្ទសប្ដាហ៍នេះ។
CDC អាហ្រ្វិកដែលជាទីភ្នាក់ងារថែទាំសុខភាពឯកទេសនៃសហភាពអាហ្រ្វិក (AU) បានអោយដឹងថាចំនួនអ្នកស្លាប់ដោយសារជំងឺរាតត្បាតសកលនេះនៅទូទាំងទ្វីបមានចំនួន ២២០,០៥៤នាក់ខណៈអ្នកជំងឺចំនួន ៧.៩លាននាក់បានជាសះស្បើយពីជំងឺ។
ប្រទេសអាហ្រ្វិកខាងត្បូង ម៉ារ៉ុក ទុយនីស៊ី និងអេត្យូពី ស្ថិតក្នុងចំណោមប្រទេសដែលមានករណីច្រើនជាងគេក្នុងទ្វីបអាហ្វ្រិក,នេះយោងតាមទីភ្នាក់ងារCDC។
ប្រទេសអាហ្រ្វិកខាងត្បូងបានកត់ត្រាករណីឆ្លង COVID-19 ច្រើនជាងគេនៅទ្វីបអាហ្រ្វិក ដែលមានជិត ៣ លានករណី ខណៈដែលប្រទេសម៉ារ៉ុកបានរាយការណ៍ថាមានអ្នកឆ្លងចំនួន ៩៤៧.៣៩៦នាក់គិតត្រឹមរសៀលថ្ងៃចន្ទនេះ។
CDC អាហ្វ្រិកបានបន្ថែមថានៅក្នុងលក្ខខណ្ឌនៃករណីឆ្លង, ប្រទេសអាហ្វ្រិកខាងត្បូងគឺជាតំបន់ដែលរងផលប៉ះពាល់ខ្លាំងជាងគេ បន្ទាប់មកគឺផ្នែកខាងជើង និងខាងកើតនៃទ្វីប ខណៈដែលអាហ្វ្រិកកណ្តាលគឺជាតំបន់ដែលរងផលប៉ះពាល់តិចតួចបំផុតនៅក្នុងទ្វីបនេះ៕
