នគរបាលក្រុងក្រចេះឃាត់ខ្លួនក្មេងទំនើងចំនួន៤នាក់ពាក់ពន្ឋ័ការផលិតអាវុធសម្រាប់វាយប្រហារ

ខេត្តក្រចេះ : នគរបាលនៃអធិការដ្ឋាននគរបាលក្រុងក្រចេះបានសម្រេចធ្វើការឃាត់ខ្លួនក្មេងទំនើងចំនួន៤នាក់ជាបន្តបន្ទាប់ កាលពីថ្ងៃទី០៨.១១.២០២១ វេលាម៉ោង ១២:៣០នាទី ។ ពាក់ពន្ធ័ករណីបទផលិត ឬ ធ្វេីចរាចរណ៍អាវុធសម្រាប់ប្រហារផ្សេងទៀត ប្រព្រឹត្តកាលពីថ្ងៃទី០៥.១១.២០២១ ចន្លោះម៉ោង ២១ នៅចំណុចតូបលក់ម្ជូរ ស្ថិតក្នុងភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។
នគរបាលក្រុងក្រចេះ បាននិយាយអោយដឹងថា ក្នុងចំណោមជនសង្សយ័ចំនួន៤នាក់ តំបូងយើងសម្រេចចាប់បានចំនួន០៣នាក់ មានឈ្មោះដូចខាងក្រោមៈ
១-ឈ្មោះ យ៉ាន់ រ៉ាន់ ភេទប្រុស អាយុ ១៨ឆ្នាំ មានទីលំនៅភូមិទី១ សង្កាត់រកាកណ្តាល ក្រុងក្រចេះ ខេត្តក្រចេះ
២-ឈ្មោះ ឃុន ណារ៉ូ ហៅម៉ុង ភេទប្រុស អាយុ ១៨ឆ្នាំ មានទីលំនៅភូមិទួលមនោរម្យ សង្កាត់ក្រគរ ក្រុងក្រចេះ ខេត្តក្រចេះ
៣-ឈ្មោះ ពៅ ឡៃអ៊ី ភេទប្រុស អាយុ ១៥ឆ្នាំ មានទីលំនៅខេត្តប៉ៃលិន មកស្នាក់នៅបណ្តោះអាសន្នភូមិផ្សារវែង សង្កាត់ក្រចេះ ក្រុងក្រចេះ ខេត្តក្រចេះ

នៅថ្ងៃទី០៨.១១.២០២១ វេលាម៉ោង ១៨:១០នាទី កម្លាំងនគរបាលក្រុងក្រចេះ បានធ្វេីការបន្តស្រាវជ្រាវឃាត់ខ្លួនជនសង្ស័យចំនួន០១នាក់បន្ថែមទៀតឈ្មោះ ហម ប៊ុនហ៊ាង ហៅខ្មៅ ភេទប្រុស អាយុ ១៨ឆ្នាំ រស់នៅស្រុកព្រែកប្រសព្វ ខេត្តក្រចេះ និងដកហូតបានកាំបិតផ្គាក់ចំនួន០១ដេីម។
ការចាប់ឃាត់ខ្លួនក្មេងទំនើងខាងលើនេះ ពាក់ពន្ធ័ករណីបទផលិត ឬ ធ្វេីចរាចរណ៍អាវុធសម្រាប់ប្រហារផ្សេងទៀត ប្រព្រឹត្តកាលពីថ្ងៃទី០៥.១១.២០២១ ចន្លោះម៉ោង ២១ នៅចំណុចតូបលក់ម្ជូរ ស្ថិតក្នុងភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។
យោងតាមកំណត់ហេតុរបស់នគបាលក្រុងក្រចេះបានរាយការណ៏អោយដឹងថា ÷ កាលពីថ្ងៃទី០៤.១១.២០២១ ម៉ោងជាង២១ ក្មេងស្ទាវចំនួន០២នាក់: ១.ឈ្មោះ យ៉ាន់ រ៉ាន់ និង ២.ឈ្មោះ ឃុន ណារ៉ូ បានធ្វេីសកម្មភាពយកកាំបិតផ្គាក់ចំនួន០១ដេីមអូសតាមផ្លូវថ្នល់គំរាមទៅលេីក្មេងស្ទាវ១ក្រុមទៀតដែលធ្លាប់មានជម្លោះពាក្យសំដីនិងគ្នា។ នៅថ្ងៃទី០៥ ខែ.ឆ្នាំដដែល ម៉ោងជាង២១ ក្មេងស្ទាវ១ក្រុមដដែលមានគ្នាចំនួន០៥នាក់: ១.ឈ្មោះ យ៉ាន់ រ៉ាន់, ២.ឈ្មោះ ឃុន ណារ៉ូ, ៣.ឈ្មោះ ពៅ ឡៃអ៊ី, ៤.ឈ្មោះ ហ៊ាង, ៥.ឈ្មោះ ហាប់(អ្នកទាំង២រត់គេចខ្លួន) បានយកកាំបិតផ្គាក់ចំនួន០២ដេីមដាក់តាមខ្លួននិងធ្វេីសកម្មភាពចាប់ក្រវួចកអាវឈ្មោះ លន់ ឈុនហ៊ុយ ហេីយយារកាំបិតគំរាមរកកាប់ ថែមទៀត និងបានឈ្លោះប្រកែកគ្នាទៅវិញទៅមក ប៉ុន្តែមិនបានបង្កអោយមានហិង្សាកេីតឡេីងឡេីយ ។

ដោយមានការសម្របសម្រួលនីតិវិធីពីឯកឧត្តម គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្តក្រចេះ សមត្ថកិច្ចបានធ្វេីការស្រាវជ្រាវនិងចាប់ឃាត់ខ្លួនចំនួន០៤នាក់ខាងលេី និងដកហូតបានកាំបិតផ្គាក់ចំនួន០១ដេីម ជាវត្ថុតា។
បច្ចុប្បន្នជនសង្ស័យ និងវត្ថុតាងខាងលេី កំពុងឃាត់ខ្លួន និងរក្សាទុកជាបណ្តោះអាសន្ននៅអធិការដ្ឋាននគរបាលក្រុងក្រចេះ ដើម្បីបំពេញនីតិវិធី។