ឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ បានធ្វើការអប់រំណែនាំពលរដ្ឋខ្មែរប្រុសស្រី ចំនួន១០នាក់ ឲ្យត្រឡប់ទៅស្រុកលំនៅដ្ឋានវិញ នៅព្រឹកថ្ងៃទី១៤ ខែវិច្ឆិកា ឆ្នាំ២០២១។
លោកស្នងការនគរបាលខេត្ត បញ្ជាក់ថាអ្នកលួចឆ្លងដែនចូលប្រទេសថៃ គឺជារឿងដែលខុសខ្បាប់ ហើយក៏ប្រឈមមុខនឹងគ្រោះថ្នាក់ផ្សេងទៀត ដូច្នេះកុំជឿតាមមេខ្យល់ ការព្យាយាមធ្វើដំណើរលួចឆ្លងដែនទៅរកការងារនៅប្រទេសគេ។
គួរបញ្ជាក់ថា កម្លាំងចម្រុះដែលប្រចាំការគោលដៅអូរស្មាច់ ល្បាតពួនស្ទាក់ ឃាត់បាននៅវេលាម៉ោង ៨ និង៣៧ នាទី ថ្ងៃទី ១២ ខែ វិច្ឆិកា ឆ្នាំ២០២១ នៅចំណុចខាងកើតអូរទី2 ភូមិសាស្រ្តប៉ុស្តិ៍អណ្ដែតមុត UA(៥៦៥០០-៩៤៨៣៦) ស្ថិតក្នុងភូមិរួតចំប៉ី សង្កាត់អូរស្មាច់ ក្រុងសំរោង ខេត្តឧត្ដរមានជ័យ ពលរដ្ឋខ្មែរចំនួន ១០នាក់ និងស្រី៤នាក់លួចឆ្លងដែនតាមច្រករបៀងទៅប្រទេសថៃ ត្រូវបានកម្លាំងវរសេនាតូចនគរបាលការពារព្រំដែនគោកលេខ ៧០២ កម្លាំងប៉ុស្តិ៍នគរបាលរដ្ឋបាលអូរស្មាច់ និងកម្លាំងជំនាញនៃអធិការដ្ឋាននគរបាលក្រុងសំរោង ធ្វើការឃាត់ខ្លួន ដើម្បីយកមកសាកសួរ និងធ្វើកិច្ចសន្យាអប់រំ នៅស្នងការរដ្ឋាននគរបាលខេត្តឧត្ដរមានជ័យ។ ហើយពលរដ្ឋខាងលើ មានទីលំនៅ ស្រុកអង្គរជុំ ខេត្តសៀមរាប និងស្រុកស្វាយចេក ខេត្តបន្ទាយមានជ័យ ក្រោយធ្វើកិច្ចសន្យារួចហើយ បានអនុញ្ញាតឱ្យវិលត្រលប់ទៅលំនៅដ្ឋានរៀងៗខ្លួនវិញ
