អន្តរជាតិ៖ក្រសួងសុខាភិបាលអ៊ីរ៉ង់បានរាយការណ៍កាលពីថ្ងៃចន្ទថាចំនួនអ្នកស្លាប់ថ្មីដោយសារជំងឺ COVID-19ចំនួន ៩៧នាក់ដែលជាចំនួនអ្នកស្លាប់ប្រចាំថ្ងៃមានលេខពីរខ្ទង់លើកដំបូងចាប់តាំងពីខែមីនាមក។
របាយការណ៍សង្ខេបប្រចាំថ្ងៃចុងក្រោយរបស់ក្រសួងបានអោយដឹងថា ករណីឆ្លងវីរុសថ្មីចំនួន ៥,៤២៧ ករណីត្រូវបានរកឃើញក្នុងរយៈពេល ២៤ ម៉ោងចុងក្រោយនេះ ដែលនាំឱ្យការឆ្លងសរុបរបស់ប្រទេសឡើងដល់៦,០៨២,៨៦៥នាក់។
ជំងឺរាតត្បាតកូវីដ-១៩បានឆក់យកជីវិតមនុស្សចំនួន ១២៩,០៥៣នាក់នៅក្នុងប្រទេសខណៈមនុស្សសរុបចំនួន ៥,៧៩៥,០៦០នាក់បានជាសះស្បើយពីជំងឺនៅទូទាំងប្រទេសអ៊ីរ៉ង់។
ដោយគិតត្រឹមថ្ងៃទី២៣ខែវិច្ឆិកា ប្រជាជនអ៊ីរ៉ង់ប្រមាណជាង ៥៦.៨លាននាក់បានទទួលវ៉ាក់សាំង COVID-19 លើកដំបូងរបស់ពួកគេ ហើយមនុស្សប្រមាណជាង ៤៥.១លាន នាក់ក្នុងចំណោមពួកគេបានចាក់គ្រប់ដូស។ទន្ទឹមនឹងនេះដែរមនុស្ស ៨០៣,២៩០នាក់ នៅក្នុងប្រទេសបានទទួលដូសទី៣ឬដូសជម្រុញ៕
