អន្តរជាតិ៖ប្រធានាធិបតីបារាំងលោក Emmanuel Macron នៅថ្ងៃអាទិត្យសប្ដាហ៍នេះបានសាទរ អំពីលទ្ធផលនៃការបោះឆ្នោតប្រជាមតិឯករាជ្យលើកទី៣នៃរដ្ឋ New Caledonia ដែលជាទឹកដីក្រៅប្រទេសរបស់បារាំង ស្ថិតនៅភាគខាងកើតនៃប្រទេសអូស្ត្រាលី។ នៅក្នុងសេចក្តីប្រកាសព័ត៌មានមួយ, លោក Macron បាននិយាយថា ៩៦.៤៩ ភាគរយនៃប្រជាជន Caledonia បានបោះឆ្នោតប្រឆាំងនឹងឯករាជ្យពីប្រទេសបារាំង។
លោកMacron បាននិយាយថាជនជាតិ Caledonia បានជ្រើសរើសការរួមរស់នៅជាមួយបារាំង។ពួកគេបានសម្រេចចិត្តដោយសេរី។លោកបានបញ្ជាក់ថាសម្រាប់ប្រជាជាតិទាំងមូល, ការជ្រើសរើសនេះគឺជាប្រភពនៃមោទនភាពនិងការទទួលស្គាល់។ គូសបញ្ជាក់ថានៅក្រោមកិច្ចព្រមព្រៀងទីក្រុង Noumeaក្នុងឆ្នាំ ១៩៩៨, ទឹកដីបារាំងនៅឯនាយសមុទ្រត្រូវបានផ្តល់សិទ្ធិក្នុងការធ្វើប្រជាមតិ៣លើកលើស្ថានភាពនយោបាយនាពេលអនាគតរបស់ខ្លួន។
ការធ្វើប្រជាមតិលើកទីមួយត្រូវបានធ្វើឡើងក្នុងឆ្នាំ ២០១៨ដោយមាន ៥៦.៧ ភាគរយនៃអ្នកបោះឆ្នោតប្រឆាំងនឹងឯករាជ្យភាព ហើយលើកទីពីរនៅឆ្នាំ ២០២០ បង្ហាញថា ៥៣.៣ ភាគរយនៃប្រជាជនប្រឆាំងនឹងឯករាជ្យភាព៕
