កំពង់ធំ: គោ៤ក្បាលងាប់ស្តូកស្តឹងលើផ្លូវក្នុងហេតុការណ៍គ្រោះថ្នាក់ចរាចរណ៍មួយដោយរថយន្តវ៉េអងខ្នាតយក្សបុក ខណៈម្ចាស់គោដេញឆ្លងផ្លូវ។
ហេតុការណ៍នេះកើតឡើង កាលវេលាម៉ោង៦និង១៣នាទីព្រឹក ថ្ងៃទី១៧ខែធ្នូឆ្នាំ២០២១ តាមបណ្តោយផ្លូវអាស៊ាន វាងផ្សារតាំងក្រសាំង ស្ថិតនៅភូមិ សង្គមថ្មី ឃុំតាំងក្រសាំង ស្រុកសន្ទុក ខេត្តកំពង់ធំ។
ប្រភពពីកន្លែងកើតហេតុបានឲ្យដឹងថា!!!មុនពេលកើតហេតុ គេឃើញរថយន្ត វ៉េអងខ្នាតយក្ស ចេញពីជើងទៅត្បូងក្នុងល្បឿនលឿន ហើយគេឃើញអ្នកដឹកគោឆ្លងថ្នល់ ហើយស្របពេលនោះមានអ្នកដេញគោឆ្លងកាត់ទីនោះ ដែលមានស្លាកសញ្ញា គោ ក្របីឆ្លងកាត់ ពេលនោះក៍បុកពេញទំហឹង បណ្តាលឲ្យគោងាប់៤ក្បាលនៅកន្លែងកើតហេតុ ។
រថយន្តថែលបុកគោខាងលើនេះក្បាលលឿងទ្រុងខៀវ ស្លាកលេខត្បូងឃ្មុំ 2A.1923 ។ម្ចាស់គោឈ្មោះ ជឿន ស៊ីម ភេទប្រុសអាយុ៣៨ឆ្នាំ មានទីលំនៅ ភូមិ ឃុំកើតហេតុខាងលើ។ អ្នកបើកបររថយន្តឈ្មោះ វ៉ា អេន ភេទប្រុសអាយុ៣៤ឆ្នាំមានទីលំនៅ ភូមិលេខ៣ ស្រុកអូររាំងឪ ខេត្តត្បូងឃ្មុំ ។
ក្រោយកើតហេតុម្ចាស់រថយន្តនិងម្ចាស់គោ ចរចារគ្នានៅអធិការដ្ឋាន នគរបាលស្រុកសន្ទុកដើម្បី បញ្ចប់រឿង៕
