នៅសាលាខេត្តសៀមរាប នាព្រឹកថ្ងៃទី ២៤ ខែ ធ្នូ ឆ្នាំ២០២១នេះ លោកជំទាវ យូ សុភា អភិបាលរងនៃគណៈអភិ បាលខេត្តសៀមរាប បានធ្វើការជួបសម្តែងការគួរសមជាមួយឯកឧត្តម Park Sungjin អគ្គកុងស៊ុល នៃស្ថានកុងស៊ុលសាធារណរដ្ឋកូរ៉េ ប្រចាំខេត្តសៀមរាប និង សហការី ដោយបាននាំមកនូវ ឧបករណ៍ធ្វើតេស្តរហ័ស ចំនួន១០០តេស្ត និង នំថេប ចំនួន ១៥០នំ ជូនដល់មន្ត្រីសាលាខេត្តសៀមរាបផងដែរ ។
ក្នុងកិច្ចសំណេះសំណាល ពិភាក្សានោះឯកឧត្តម Park Sungjin អគ្គកុងស៊ុល នៃស្ថានកុងស៊ុលសាធារណរដ្ឋកូរ៉េ ប្រចាំខេត្តសៀមរាប ក៏បានបញ្ជាក់ថា ដើមី្បធ្វើការអបអរសាទរនូវបុណ្យគ្រឺះស្នាក់ និង ឆ្លងឆ្នាំសកលខាងមុខនេះ អគ្គកុង ស៊ុង អញ្ជើញមកធ្វើការជូនពរ ដល់ថ្នាក់ដឹកនាំរដ្ឋបាលខេត្តសៀមរាប ក្នុងឆ្នាំថ្មីឲ្យទទួលបានជោគជ័យគ្រប់ភារកិច្ច ដែល រាជរដ្ឋាភិបាលប្រគល់ជូន និង សូមឲ្យទទួលបានជោគជ័យលើការប្រយុទ្ធប្រឆាំងនៃជម្ងឺកូវិដ១៩ និង ជម្ងឺឆ្លងផ្សេងៗ ព្រម ទាំងទទួលបានជោគជ័យលើការបើកដំណើរការឡើងវិញក្នុងវិស័យទេសចរណ៍ ក្នុងបរិបទកូវិដ១៩នេះ ។ ក្នុងនោះដែរ ឯកឧត្តមក៏បានថ្លែងនូវអំណរគុណចំពោះរាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្ត្រី និង អាជ្ញាធរ ខេត្ត ដែលមានទឹកចិត្តមនុស្សធម៌ ក្នុងការជម្រុញដល់ប្រជាពលរដ្ឋកម្ពុជា និង ជនបរទេស សំខាន់ប្រជាពលរដ្ឋកូរ៉េ រស់នៅក្នុងខេត្តសៀមរាប ទទួលបានការចាក់វ៉ាក់សាំងការពារជម្ងឺកូវិដ១៩ ដោយមិនប្រកាន់ពូជសាសន៍នោះឡើយ ។ ក្នុង នោះដែរឯកឧត្តមក៏បានបញ្ជាក់ថា ដោយបញ្ហាវិបត្តិនៃជម្ងឺកូវិដ១៩ បានធ្វើឲ្យខេត្ត ក្រុងសម្ព័ន្ធមេត្រីជាមួយខេត្តសៀមរាប បានដាក់ទំនាក់ទំនង និង ការផ្លាស់ប្តូរប្រតិភូគ្នាផងដែរ ។ នៅពេលនេះស្ថានភាពនៃជម្ងឺកូវិដ មានការធូរស្រាលក៏ពិតមែន តែយើងក៏ត្រូវមានការប្រុងប្រយ័ត្នខ្ពស់ ហើយចំពោះកិច្ចទំនាក់ទំនងរវាងខេត្ត ក្រុងសម្ព័ន្ធមេត្រីភាព ក៏ត្រូវតែធ្វើការជម្រុញ ពង្រឹងឡើងវិញ សំដៅក្នុងផលប្រយោជន៍រួមនៃប្រជាពលរដ្ឋប្រទេសទាំងពីរ ។
ក្នុងកិច្ចសំណេះសំណាលនោះក្នុងនាមឯកឧត្តម ទៀ សីហា អភិបាលនៃគណៈអភិបាលខេត្តលោកជំទាវ យូ សុភា ក៏បានធ្វើការថ្លែងអំណរគុណចំពោះរដ្ឋាភិបាលប្រទេសកូរ៉េ ក៏ដូចខេត្ត ក្រុងសម្ព័ន្ធមេត្រី នាពេលកន្លងម តែជួយឧបត្ថម្ភនូវ ឧបករណ៍ សម្ភារៈដល់ខេត្តសៀមរាប ។ ម៉្យាងទៀតខេត្តសៀមរាបក៏ទទួលបានគម្រោងផ្លូវវាងក្រុងទី៣ ដែលជាគម្រោង របស់ (ចយកា) ក្នុងការកាត់បន្ថយការកកស្ទះរថយន្តធំៗ នៅក្នុងក្រុងប្រវត្តិសាស្ត្រមួយនេះ។ លោកជំទាវក៏បានសំណូមពរ ដល់ឯកឧត្តមអគ្គកុងស៊ុល ក្រោយពីវិបត្តិកូវិដ១៩នេះ សូមឲ្យធ្វើការជម្រុញ ពង្រឹងនូវចំណងសម្ព័ន្ធមេត្រីភាពខេត្ត ក្រុងនៃសាធារណរដ្ឋកូរ៉េ សំខាន់បន្តពង្រឹងពង្រីកនូវភូមិមិត្តភាពស៊ូវ៉ុន ភ្នំក្រោម ។ លោកជំទាវក៏បានជម្រាបជូនដល់ប្រតិភូផងដែរ ក្រោយពីរាជរដ្ឋាភិបាលកម្ពុជា បានប្រកាសបញ្ចប់បិទព្រឹត្តិការណ៍ ២០កុម្ភះ២០២១ កាលពីថ្ងៃទី២០ ធ្នូនេះ និង ការបើកទទួលភ្ញៀវទេសចរចាក់វ៉ាក់សាំងពេញលេញ ចូលមកធ្វើទេសចរនៅកម្ពុជា ។ ចំពោះការបើកឡើងវិញ នេះ ក៏ត្រូវអនុវត្តទៅតាមនីតិវិធីប្រតិបត្តិស្តង់ដារអប្បបរមា(SOP)គឺជាកិច្ចការអាទិភាពបំផុតសម្រាប់ដំណើរការទេសចរណ៍ ក្នុងគន្លងប្រក្រតីភាពថ្មី ព្រមទាំងអនុវត្តឲ្យបានខ្ជាប់ខ្ជួនវិធានការ ៣កុំ ៣ការពារផងដែរ ។ លោកជំទាវក៏បានបញ្ជាក់ថា ក្នុងយុទ្ធនាការចាក់វ៉ាក់សាំងការពារជម្ងឺកូវិដ១៩នេះ រាជរដ្ឋាភិបាល ក៏ដូចអាជ្ញាធរខេត្ត មិនបានរើសអើងពូជសាសន៍ ពណ៌សម្បុល និង និន្នាការណ៍នយោបាយណាមួយឡើយ គឺចាក់ជូនទាំងអស់ ។ កត្តាសំខាន់នោះ អាជ្ញាធរខេត្តបាន រៀបចំកម្មវិធីជាក់ល័ក្ខ ក្នុងការចាក់វ៉ាក់សាំងនេះ ហើយក្នុងចំណោមជនជាតិបរទេស ក៏មានប្រជាពលរដ្ឋកូរ៉េ បានមកទទួលចាក់វ៉ាក់សាំងបានគ្រប់ៗគ្នាផងដែរ ។ លោកជំទាវក៏បានបញ្ជាក់ដល់ប្រតិភូ ក៏ដូចប្រជាពលរដ្ឋខេត្តសៀមរាន នៅក្នុងខែ មករា ឆ្នាំ២០២២ខាងមុខនេះ នឹងធ្វើការចាក់វ៉ាក់សាំងជូនបងប្អូន និងជមបរទេស នូវដូសទី៣ (ជាដូសជម្រុញ ) ផងដែរ ៕
ប៊ុនរិទ្ធី!!
