ក្រុមបិសាចក្រហម Manchester United និងក្រុមសារិកាព្រៃ Newcastle United រកបានម្នាក់១ពិន្ទុពីការប្រកួតសប្ដាហ៍ទី១៩នៃពានរង្វាន់ English Premier League ។នៅការប្រកួតនេះដែរ ក្រុមម្ចាស់ផ្ទះ Newcastle United ជាអ្នករកគ្រាប់បាល់បានមុន ដោយការស៊ុតបញ្ចូលទីរបស់កីឡាករ Saint-Maximin នៅនាទីទី៧។ ខណៈដែលគ្រាប់បាល់តាមស្មើរបស់ក្រុម Man Utd វិញ រកបាននៅនាទី៧១ ដោយកីឡាករ Cavani។ទោះបីក្រុមទាំងពីរបានសម្រុកគ្នាទៅវិញទៅមកនៅនាទីដែលសេសសល់ក៏ដោយ ក៏លទ្ធផលមិនមានអីប្រែប្រួលដែរពោល ចប់ការប្រកួតMan UTDស្មើ Newcastle១ទល់១។
យ៉ាងណាក៏ដោយ អ្នកគាំទ្របិសាចក្រហមមិនសប្បាយចិត្តឡើយចំពោះលទ្ធផល១-១នេះ ព្រោះមុនការប្រកួតពួកគេគិតថានឹងឈ្នះដោយមិនពិបាកទេ។ Newcaslte United ជាក្រុមធ្លាក់ទម្រង់លេងមួយ ដោយបច្ចុប្បន្ននៅក្បែរបាតតារាងឯណោះ។
សូមជម្រាបថានៅជំនួបបន្ទាប់ក្រុម Man UTD នឹងបើកកីឡដ្ឋាន Old Trafford ទទួលក្រុមភ្ញៀវ Burnley នៅថ្ងៃព្រហស្បតិ៍ ខណៈដែល Newcastle ធ្វើដំណើរទៅជួបក្រុមម្ចាស់ផ្ទះ Everton នៅល្ងាចថ្ងៃដដែលនោះ៕
