កីឡាករសញ្ជាតិព័រទុយហ្គាល់ Cristiano Ronaldo ខ្សែប្រយុទ្ធក្រុមបិសាចក្រហម Manchester Unitedបច្ចុប្បន្ន បាននិយាយអំពីលទ្ធភាពរបស់ខ្លួនក្នុងការផ្លាស់ទៅលេងនៅឯប្រទេសប្រេស៊ីលនាថ្ងៃអនាគត។
ជាការពិតណាស់ Ronaldo ពុំធ្លាប់ប្រកបអាជីពបាល់ទាត់ក្រៅពីតំបន់អឺរ៉ុបឡើយ ជាក់ស្តែងរូបគេធ្លាប់លេងឲ្យ Sporting Lisbon, Real Madrid, Juventus និង Manchester United ដែលជាក្លិបនៅតំបន់អឺរ៉ុប។
Ronaldo បាននិយាយនាពេលកន្លងទៅថ្មីៗនេះថាប្រេស៊ីលជាប្រទេសបងប្អូន ពីព្រោះតែទំនាក់ទំនងដែលខ្លួនមានជាមួយមិត្តរួមការងារ វប្បធម៍ និង ជនជាតិប្រេស៊ីលដែលរស់នៅក្នុងប្រទេសព័រទុយហ្គាល់។ Ronaldoបានបន្តថាគាត់មានប្អូនស្រីរស់នៅក្នុងប្រទេសប្រេស៊ីល និង រៀបការជាមួយជនជាតិប្រេស៊ីល។គាត់ចូលរៀនផ្នែកអាហារូបត្ថម្ភជាមួយជនជាតិប្រេស៊ីល។តារាបាល់ទាត់ឆ្នើមពិភពលោករូបនេះបានបញ្ជាក់ថាប្រេស៊ីលជាប្រទេសដែលគាត់ចូលចិត្ត៕
