អន្តរជាតិ៖សហរដ្ឋអាមេរិកបានប្រកាសថាខ្លួននឹងបញ្ជូនទាហាន3,000 នាក់បន្ថែមទៀតទៅកាន់អឺរ៉ុបខាងកើតចំពេលមានភាពតានតឹងផ្នែកយោធាកាន់តែខ្លាំងឡើងជុំវិញការបង្កើនកងទ័ពរុស្ស៊ីនៅតាមព្រំដែនប្រទេសរបស់ពួកគេជាមួយអ៊ុយក្រែន។
មន្ទីរបញ្ចកោណបាននិយាយកាលពីថ្ងៃពុធថា កងទ័ពនឹងត្រូវដាក់ពង្រាយក្នុងរយៈពេលពីរបីថ្ងៃទៀត។ទាហានប្រហែល1,700 នាក់នឹងត្រូវបញ្ជូនពីសហរដ្ឋអាមេរិកទៅកាន់ប៉ូឡូញដែលមានព្រំប្រទល់ជាប់នឹងអ៊ុយក្រែន។ចំណែកទាហាន 300 នាក់ផ្សេងទៀតនឹងបញ្ជូនពីអាមេរិកទៅកាន់ប្រទេសអាឡឺម៉ង់ខណៈដែលទាហាន1,000នាក់នៅក្នុងប្រទេសអាឡឺម៉ង់នឹងត្រូវបញ្ជូនទៅប្រទេសរូម៉ានីដែលជាប្រទេសជិតខាងអ៊ុយក្រែនផងដែរ។
អ្នកនាំពាក្យមន្ទីរបញ្ចកោណ លោក John Kirby បានពន្យល់ថា ការបញ្ជូនកងកម្លាំងសហរដ្ឋអាមេរិកបន្ថែមទៀតនេះគឺមានគោលបំណងពង្រឹងសម្ព័ន្ធមិត្ត NATO នៅអឺរ៉ុបខាងកើត។លោកបានសង្កត់ធ្ងន់ថា ចលនាមិនទាន់មានភាពស្ថិតស្ថេរ ហើយកងទ័ពនឹងមិនប្រយុទ្ធនៅអ៊ុយក្រែនឡើយ។លោកKirby បាននិយាយថា ការដាក់ពង្រាយនេះគឺបន្ថែមលើសមាជិកសេវាកម្មចំនួន 8,500នាក់នៅសហរដ្ឋអាមេរិក ដែលរដ្ឋមន្ត្រីការពារជាតិប្រកាសដាក់ប្រុងជើងការកាលពីខែមុន។
លោកបាននិយាយថា មន្ត្រីអាមេរិកនៅតែមិនជឿថាប្រធានាធិបតីរុស្ស៊ីលោក វ្ល៉ាឌីមៀ ពូទីន បានធ្វើការសម្រេចចិត្ត “ដើម្បីឈ្លានពានអ៊ុយក្រែនបន្ថែមទៀត” ប៉ុន្តែថាគាត់មានសមត្ថភាពធ្វើដូច្នេះ។អ្នកនាំពាក្យរូបនេះបាននិយាយទៀតថា “ចលនាទាំងនេះគឺជាសញ្ញាដែលមិនអាចប្រកែកបានចំពោះពិភពលោកថាយើងត្រៀមខ្លួនជាស្រេចដើម្បីធានាដល់សម្ព័ន្ធមិត្តណាតូរបស់យើងក្នុងការទប់ស្កាត់និងការពារប្រឆាំងនឹងការឈ្លានពានណាមួយ”៕
