កំពង់ឆ្នាំង ផ្ទះថ្មទ្រុឌទ្រោម ចំនួន ១៣ ល្វែងដែលមានអាយុកាល ៩១ ឆ្នាំហើយនោះនៅក្នុងភូមិផ្សារឆ្នាំងសង្កាត់ផ្សារឆ្នាំង ក្រុងកំពង់ឆ្នាំង បា ននិងកំពុងដំណើរការវាយកំទេចចោលហើយ ។បុរសម្នាក់ជាមេការការទទួលខុស ត្រូវក្នុងការវាយកំទេចផ្ទះថ្ម១៣ ទាំងល្វែងនេះ នៅព្រឹកថ្ងៃទី ០៤ ខែកុម្ភៈឆ្នាំ២០២២ បាននិយាយឲ្យដឹងថាក្រុមហ៊ុនលោកបានដំណើរការវាយកំទេចផ្ទះថ្មនេះបានបានរយៈពេលបីថ្ងៃហើយ និងប្រហែលជាង ១០ ថ្ងៃទៀត និងវាយកំទេចបានរួចរាល់ ។
លោកមេការបានបន្តឲ្យដឹងថា ក្រោយពីការវាយកំទេចផ្ទះថ្មនេះបាន៣ ល្វែង លោកពិនិត្យឃើញថាគុណ ភាពបេតុង បានពុកផុយហើយ ចំ ណែកដែកសរសៃពិដានភាគច្រើនក៏បានច្រេះចាប់ខូចគុណភាពអស់ ហើយដែរ គឺមានតែយកទៅស្លផលិ តជាដែកថ្មីតែប៉ុណ្ណោះ ចំពោះថ្លៃឈ្នួលវាយកំទេចផ្ទះ១៣ល្វែងនេះលោកមេការពុំបានដឹងថ្លៃឡើយគឺទាល់តែសួរទៅប្រធានក្រុមហ៊ុននៅឯទីក្រុងភ្នំពេញ ។
បុរសជាមេការបានបញ្ជាក់ទៀតថាចំពោះការសាងសង់ផ្ទះថ្មទាំង១៣ ល្វែងនេះឡើងវិញ គឺម្ចាស់ផ្ទះទាន់ចរចាតម្លៃត្រូវជាមួយក្រុមហ៊ុនដែលត្រូវសាងសង់ផ្ទះល្វែងនេះឡើងវិញនោះឡើយ ។ដោយឡែកប្រភពពីប្រជាពលរដ្ឋនៅជិតផ្ទះល្វែងនេះបានឲ្យដឹងថា ថ្លៃ ឈ្នួលវាយកំទេចផ្ទះថ្ម១៣ល្វែងនេះក្នុងមួយល្វែងៗត្រូវចំណាយប្រាក់ ប្រមាណ ១៧០០ ដុល្លារ ។
លោក ហ៊ីង ភ័ពមិនា អភិបាលរងក្រុងកំពង់ឆ្នាំង បានឲ្យដឹងថា កាល ពីសប្តាហ៍មុនអាជ្ញាធរខេត្ត បានចេ ញលិខិតអនុញ្ញាឲ្យម្ចាស់ផ្ទះទាំងបីល្វែងជួលក្រុមហ៊ុនកំទេចផ្ទះថ្មទ្រុឌ ទ្រោម១៣ល្វែងនេះចោលហើយ។ដោយម្ចាស់ផ្ទះត្រូវចរចាថ្លៃឈ្នួលវាយផ្ទះថ្មើរនេះជាមួយក្រុមហ៊ុនឲ្យខ្លួនឯង។ ចំពោះការសាងសង់ផ្ទះនេះឡើងវិញក៏ដូចគ្នាដែរ គឺម្ចាស់ផ្ទះត្រូវចរចាតម្លៃសាងសង់ផ្ទះឡើងវិញជាមួយក្រុមហ៊ុនដោយខ្លួនឯង។ចំណែក អាជ្ញាធរខេត្តគ្រាន់តែជាអ្នក ជួយសម្របសម្រួលផ្លូវច្បាប់តែប៉ុណ្ណោះ៕
