ក្នុងចំណោមពលករជិត ៣០០០នាក់ដែលសមត្ថកិច្ចថៃទើបបញ្ជូនមកស្រុកកំណើតរកឃើញស្ត្រីម្នាក់វិជ្ជមានកូវីដ-១៩

ខេត្តបាត់ដំបង! ស្ត្រីម្នាក់ជាកម្មករត្រឡប់ពីថៃតាមរយះសមត្ថកិច្ចថៃបញ្ជូនមកត្រូវបានក្រុមគ្រូពេទ្យធ្វើតេស្តរហ័សរកឃើញវិជ្ជមានជំងឺកូវីដ-១៩ ក្នុងចំណោមពលករខ្មែរចំនួន ២៨២នាក់ផ្សេងទៀតអវិជ្ជមាន ។

សមត្ថកិច្ចការពារតំបន់ព្រំដែនស្រុកកំរៀងបានប្រាប់ឲ្យដឹងថា÷ នៅថ្ងៃទី ១០ ខែកុម្ភ: ឆ្នាំ ២០២២នេះថា ការរកឃើញវិជ្ជមានជំងឺកូវីដ-១៩ទៅលើស្ត្រីខ្មែរនេះកើតឡើងបន្ទាប់សមត្ថកិច្វក៏ដូចជាក្រុមគ្រូពេទ្យយើងបានទទួលពលករខ្មែរប្រុសស្រីចំនួន ២៨៣នាក់ ពីភាគីសមត្ថកិច្ចថៃដែលបញ្ជូនមកកាន់ស្រុកកំណើតវិញតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង នៃខេត្តបាត់ដំបង។

ប្រភពដដែលបន្តដែរថា÷ ពលករខ្មែរសរុបទាំង ២៨៣នាក់ដែលភាពីខាងថៃទើបចាប់បញ្ជូនមកថ្ងៃនេះ ក្នុងនោះមានបុរសចំនួន ៨៩នាក់ ក្មេងៗចំនួន ៨៤នាក់ និងស្ត្រី ១១០នាក់ បន្ទាប់មកក្រុមគ្រូពេទ្យបានធ្វើតេស្តរហ័សកឃើញផ្ទុកជំងឺកូវីដ- ១៩ ម្នាក់ជាស្ត្រីផងដែរ។

ហើយក្នុងចំណោមពលករទាំងអស់ខាងលើបានពិនិត្យមានកាតផ្តល់វ៉ាក់សាំងការពារជំងឺកូវីដ-១៩ ចំនួន ២៣៧នាក់ ហើយត្រូវបានមន្ត្រីជំនាញអប់រំណែនាំអនុញ្ញាតិឲ្យវិលត្រឡប់ទៅកាន់លំនៅដ្ឋានរៀងៗខ្លួនវិញ ចំណែកឯស្រ្តីដែលវិជ្ជមានកូវីដ-១៩ ត្រូវបានក្រុមគ្រូពេទ្យបញ្ជូនទៅមណ្ឌលព្យាបាល ហើយក្រៅពីនេះតម្រូវឲ្យធ្វើចត្តាឡីស័កដើម្បីតាមដានសុខភាព៕