ខេត្តកណ្តាល ជនសង្ស័យឈ្មោះ កៀក ប៊ិន ភេទប្រុស អាយុ៣៨ឆ្នាំ ជនជាតិវៀតណាម ស្នាក់នៅផ្ទះជួល: ភូមិកំពង់ សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល, មុខរបរ មិនពិតប្រាកដ (ឃាត់ខ្លួន)។
រីឯជនរងគ្រោះ ឈ្មោះ សួន ចន្ធី ភេទប្រុស អាយុ៤១ឆ្នាំជនជាតិខ្មែរ ទីលំនៅ:ផ្ទះជួលភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល
មុខរបរ អង្គរក្ស។
កើតហតុ:ថ្ងៃទី១២-១០-២០២១ម៉ោង១៣និង
៣០នាទី ស្ថិតនៅចំណុច:មុខបន្ទប់ផ្ទះជួល ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល។
សម្ភារ:បាត់បង់:
-ម៉ូតូ១គ្រឿងម៉ាកHONDA SCOOPY-iពណ៌ស សេរីឆ្នាំ២០២០ពាក់ផ្លាកលេខកណ្តាល1AH.8180 ។
វត្ថុតាងចាប់យក៖ គ្មាន។
បើយោងតាមការបញ្ជាក់ពីលោក យី វណ្ណដា អធិការក្រុងតាខ្មៅ បានប្រាប់ភ្នាក់ងារ ទូរទស្សន៍ លេខ9 អោយដឹងដែរថា នៅមុនពេលកេីតហេតុជនរងគ្រោះ បានចតម៉ូតូទុកនៅមុខបន្ទប់ជួលរបស់ខ្លួនដោយមិនបានដកសោចេញពីម៉ូតូទេរួចហេីយបានដេីរចូលទៅក្នុងបន្ទប់ហូបបាយនិងដេកលេង។ លុះដល់វេលាកេីតហេតុខាងលេីស្រាប់តែជនសង្ស័យបានធ្វេីសកម្មភាពលួចបញ្ឆេះជិះចេញទេីបជនរងគ្រោះចេញមកមេីលឃេីញជនសង្ស័យកំពុងតែជិះម៉ូតូរបស់ខ្លួនភ្លាមនោះជនរងគ្រោះជិះម៉ូតូដេញតាមដែរតែតាមមិនទាន់។
បន្ទាប់មកជនរងគ្រោះបានទៅដាក់ពាក្យបណ្តឹងនៅប៉ុស្តិ៍តាខ្មៅ ដេីម្បីជួយធ្វេីការស្រាវជ្រាវតាមកាម៉េរ៉ាសុវត្ថិភាពកំណត់មុខសញ្ញា រហូតដល់ថ្ងៃទី១៦ ខែកុម្ភ: ឆ្នាំ២០២២ទេីបឃាត់ខ្លួនជនសង្ស័យបានយកទៅសាកសួរនៅប៉ុស្តិ៍ នៅចំពោះមុខសមត្ថកិច្ចជនសង្ស័យបានឆ្លេីយសារភាពថា:ខ្លួនពិតជាបានលួចយកម៉ូតូរបស់ជនរងគ្រោះពិតមែន ហេីយយកទៅបញ្ចាំនៅម្តុំផ្សារឃ្លាំងរំសេវបានលុយចំនួន២០០ដុល្លាចាយអស់បាត់ទៅហេីយ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលក្រុងតាខ្មៅដេីម្បីបន្តនីតិវិធី។
