ខ្ទេចរថយន្ត ២គ្រឿង ក្នុងករណីគ្រោះថ្នាក់ចរាចរណ៍ បុកប៉ើងនៅផ្លូវបែកជាបួន

ដោយ រតនា

ភ្នំពេញ: រថយន្ត ២គ្រឿង បានរងការខូចខាតស្ទើតែទាំងស្រុង ខណះពេលដែលរថយន្តទាំងត្រូវបាន គ្នាយ៉ាងពេញទំហឹង នៅចំណុចស្ពាននាគ វត្តភ្នំ។

ហេតុការណ៍នេះកើតឡើងកាលពីវេលាម៉ោង ០២យប់អាធ្រា ឈានចូល ថ្ងែទី២១ ខែកុម្ភៈ ឆ្នាំ២០២២ ចំណុចស្ពាននាគ វត្តភ្នំ ស្ថិតនៅតាមបណ្ដោយមហាវិថីព្រះនរោត្តម កែងផ្លូវលេខ១០៦ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានប្រាប់ឲ្យដឹងថានៅមុនកើតហេតុគេបានឃើញ រថយន្តមួយគ្រឿងម៉ាក តូយូតា ព្រូស ពណ៌ស ពាក់ស្លាកលេខ ភ្នំពេញ 2BB-4900 ធ្វើដំណើរតាមបណ្តោយផ្លូវលេខ១០៦ ទិសដៅពីកើតទៅលិច ក្នុងល្បឿនលឿន លុះមកដល់មុខចំណុចកើតហេតុ ចំណុចស្ពាន នាគ វត្តភ្នំ ដែលផ្លូវ បំបែកជាបួន និង បើកបរខ្វះការប្រុងប្រយ័ត្ន បានជ្រុលទៅបុករថយន្តមួយគ្រឿងទៀតម៉ាក លុច្សសុីស GS300 ពណ៌ស ពាក់ស្លាកលេខ 2AU-1728 ដែលធ្វើដំណើរតាមបណ្ដោយមហាវិថីព្រះនរោត្តម ទិសដៅជើងទៅត្បូង យ៉ាងពេញទំហឹង ចំពាក់កណ្ដាលរថយន្ត ប៉ើងទៅ បោកផ្ទប់បង្គោលថ្ម នៅចិញ្ចើមផ្លូវ បន្ថែមទៀត បណ្ដាលឲ្យរងការខូចខាតស្ទើរតែទាំងស្រុងតែពិតជាសំណាងដែលមិនបណ្ដាលឲ្យមានមនុស្សរងរបួស។

ក្រោយពេលកើតហេតុកម្លាំងសមត្ថកិច្ចមូលដ្ឋាន បានចុអមកដលទីតាំងគ្រោះថ្នាក់ចរាចរណ៍ និង បានទំនាក់ទំនងបន្តទៅសមត្ថកិច្ចជំនាញចុះមកវាស់វែង ស្ទូចយករថយន្តទាំង ២គ្រឿងទៅរក្សាទុក នៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ ដើម្បីរងចាំធ្វើការដោះស្រាយតាមផ្លូវច្បាប់៕