ភ្នំពេញ៖បុរសម្នាក់ត្រូវបានកម្លាំងនគរបាលប៉ុស្តិ៍ច្រាំងចំរេះ១ ឃាត់ខ្លួនកាលពីវេលាម៉ោងប្រមាណ៥ភ្លឺចូលថ្ងៃទី២២ខែកុម្ភះឆ្នាំ ២០២២ បន្ទាប់ពីមានទំនាស់គ្នា ជាមួយបងស្រីហើយបងថ្លៃប្រុសទៅឃាត់ក៍បានទាញកាំបិតប៉័ងតោកាប់ រយះថ្ងាស់រងរបួដេរចំនួន៧ថ្នេរ។អំពើហឹង្សាមានស្ថានទម្ងន់ទោសនេះ បានកើតឡើងកាលពីវេលា ក្បាលព្រលប់ថ្ងៃទី២១ខែកុម្ភះ ឆ្នាំ២០២២ នៅចំណុចផ្ទះលេខ៥៤ ផ្លូវបេតុង ក្រុម២ ភូមិ២ សង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។
ជនសង្ស័យ ត្រូវបាននគរបាលអោយដឹងថា ឈ្មោះហ៊ីម សាលីមភេទប្រុសអាយុ៤១ឆ្នាំមានទីលំនៅផ្ទះលេខ១៤៧ក្រុម១ភូមិ៣សង្កាត់ច្រាំងចំរេះ១ខណ្ឌឬស្សីកែវ ។
ចំណែក ជនរងគ្រោះឈ្មោះ សាន់ សាលី ភេទប្រុស អាយុ៥២ឆ្នាំ មានទីលំនៅផ្ទះ កន្លែងកើតហេតុ ត្រូវជាបងថ្លៃរបស់ជនដៃដល់ បានរងរបួសចំថ្ងាស់ដេរចំនួន៧ថ្នេរ។
តាមនគរបាលមូលដ្ឋានបានអោយដឹងថា នៅមុនពេលកើតហេតុ ជនដៃដល់បានមកកន្លែងកើតហេតុ ផ្ទះបងស្រីហើយ រករឿងឈ្លោះជាមួយបងស្រីខណះពេលនោះ ជនរងគ្រោះ ដែលជាប្តី និងត្រូវជាបងថ្លៃបានទៅឃាត់ស្រាប់តែជនដៃដល់ដែលត្រូវជាប្អូនថ្លៃបានទាញយកកាំបិតប៉័ងតោកាប់ក្បាលចំថ្ងាស់បណ្តាលអោយរងរបួស ឈាមហូរពេញខ្លួន ។បន្ទាប់ពីប្រើហឹង្សា ជនដៃដល់បានគេចខ្លួនបាត់។ភ្លាមៗជនរងគ្រោះត្រូវបានបញ្ជូន ទៅកាន់មន្ទីរពេទ្យ ឯកជនដេរចំនួន៧ថ្នេរ។
តាមនគរបាល អោយដឹងថា បន្ទាប់ពីគេចខ្លួន ១យប់ ព្រឹកឡើង ជនដៃដល់បានត្រឡប់មកវិញ ហើយ ត្រូវបានសមត្ថកិច្ចឃាត់ខ្លួនបានតែម្តង ។ទោះបីជាយ៉ាងណា កាំបិត ជាវត្ថុតាង ត្រូវជនសង្ស័យ បោះចោលបាត់ ពុំដកហូតបានឡើយ ។ជនដៃ ដល់ ត្រូវបាននគរបាលឃាត់ខ្លួនរួចបញ្ជូន ទៅកាន់អធិការដ្ឋាន ខណ្ឌឬស្សីកែវ ដើម្បីកសាងសំនុំរឿងចាត់ការតាមច្បាប់៕
