Jorginho បាននិយាយថាខ្លួនមានក្តីសុបិនចង់លេងបាល់ទាត់ក្រោមការដឹកនាំរបស់ Pep Guardiola ទោះបីជាបច្ចុប្បន្នរូបគេបានបន្តអាជីពជាមួយក្រុមតោខៀវ Chelsea ចាប់តាំងពីឆ្នាំ២០១៨មកក៏ដោយ។
Jorginho បានបង្ហាញខ្លួន ១៧៣លើកគ្រប់ការប្រកួតឱ្យ Chelsea ហើយបានបង្ហាញទម្រង់លេងដ៏គួរឱ្យចាប់អារម្មណ៍ សម្រាប់ក្លិប និងជម្រើសជាតិនាំអោយកីឡាកររូបនេះបានក្លាយជាបេក្ខភាពប្រជែងពាន Ballon d’Or ឆ្នាំ ២០២១ ដោយបញ្ចប់ក្នុងចំណាត់ថ្នាក់លេខ ៣ បន្ទាប់ពី Robert Lewandowski និង Lionel Messi៕
គួររំលឹកថាកីឡាករអន្តរជាតិអ៊ីតាលីវ័យ ៣០ ឆ្នាំរូបនេះធ្លាប់មានទំនាក់ទំនងជាមួយក្រុម Man City មុនពេលចាកចេញពី Napoli មកកាន់កីឡដ្ឋាន Stamford Bridge។ Jorginho បានសារភាពថារូបគេចូលចិត្តមើលការប្រកួតរបស់ Barcelona ជាងមួយទសវត្សរ៍មុន នៅពេលដែលអ្នកចាត់ការសញ្ជាតិអេស្ប៉ាញខាងលើកំពុងដឹកនាំនៅទីនោះ៕
