បុរសម្នាក់ មានប្រវត្តធ្លាប់ជាប់គុក ចេញវិញ លួចទៀត ត្រូវសមត្ថកិច្ចក្រុងតាខ្មៅឃាត់ខ្លួន

ជនរងគ្រោះ ឈ្មោះ តុន យ៉ុន ភេទប្រុស អាយុ៥៧ឆ្នាំ
ជនជាតិខ្មែរ មុខរបរ កម្មករសាលាក្រុង ទីលំនៅ:ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល។
ជនសង្ស័យ -ឈ្មោះ ណុល ប៊ុនថង ហៅខ្មៅ ភេទប្រុស អាយុ៣៣ឆ្នាំជនជាតិខ្មែរ មុខរបរ មិនពិតប្រាកដ(ឃាត់ខ្លួន) ស្នាក់នៅ÷ភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល។

វត្ថុតាងចាប់យក៖
-ម៉ូតូម៉ាកHONDA Cub៥០ ពណ៌ទឹកប៊ិច អត់ផ្លាកលេខ។

ថ្ងៃអង្គារ ១៣រោច ខែមាឃ ឆ្នាំឆ្លូវ ត្រីសក័ ពស២៥៦៥ត្រូវនឹងថ្ងៃទី ១ ខែ មីនា ឆ្នាំ២០២២
-ស្តីពីករណី: អំពើលួច(ម៉ូតូ) កេីតហេតុ: ថ្ងៃទី០១ /០៣/២០២២ វេលាម៉ោង៥និង០០នាទីព្រឹក

-ចំណុច:នៅជាប់របងសាលាគរុកោសល្យវិក្រឹតការខេត្តកណ្ដាល ជាប់មាត់ទន្លេសួនច្បារតាខ្មៅ ភូមិតាខ្មៅ១ សង្កាត់តាខ្មៅ ក្រុងតាខ្មៅ ខេត្តកណ្តាល។
បើយោងតាមការបញ្ជាក់ពីលោក យី វណ្ណដា អធិការក្រុងតាខ្មៅ បានប្រាប់ថា នៅថ្ងៃកើតហេតុខាងលើ ជនរងគ្រោះឈ្មោះ តុន យ៉ុន បានជិះម៉ូតូម៉ាក Honda cub មកបោសសំរាមតាមសួនច្បារមាត់ទន្លេជាប្រចាំ ស្រាប់តែជនសង្ស័យឈ្មោះណុល ប៊ុនថង បានធ្វើសកម្មភាពលួចម៉ូតូ ដោយធាក់ម៉ូតូមិនឆេះ ក៏បណ្ដើរយកទៅប្រហែលចម្ងាយមួយរយម៉ែត្រ ក៏មានប្រជាពលរដ្ឋស្គាល់ម៉ូតូជនរងគ្រោះ ក៏បានស្រែកហៅគ្នា ទេីបឃាត់ខ្លួនជនសង្ស័យយកទៅសាកសួរនៅប៉ុស្តិ៍ នៅចំពោះមុខសមត្ថកិច្ចជនសង្ស័យពិតជាសារភាពយកម៉ូតូជនរងគ្រោះពិតប្រាកដមែន។

បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលក្រុងតាខ្មៅដេីម្បីបន្តនីតិវិធី។
-ចំពោះជនសង្ស័យបានធ្វើតេស្តកូវិដ-១៩ លទ្ធផលអវិជ្ជមាន(-) ចំពោះការធ្វើតេស្តទឹកនោមលទ្ធផល មានសារធាតុញៀន(+) (ជនសង្ស័យឆ្លាប់ជាប់ពន្ឋនាគារពីបទអំពេីលួច)៕