កំពង់ឆ្នាំង ៖ អនុវត្តតាមបទបញ្ជា របស់លោកឧត្តម សេនីយ៍ទោ ខូវ លី ស្នងការនគរបាលខេត្តនិងមាន ការសម្របសម្រួលនីតិវិធី ពីឯកឧត្តម អុិត សុធា ព្រះរាជអាជ្ញាអមសាលាដំបូង ខេត្តកំពង់ឆ្នាំង នៅ វេលាម៉ោង១៥:០០ ថ្ងៃទី២៨ ខែកុម្ភ: ឆ្នាំ២០២២ កម្លាំងជំនាញការិយាល័យប្រឆាំងគ្រឿងញៀន ចុះបង្ក្រាបករណីរក្សាទុក ជួញដូរ និងប្រើប្រាស់ ដោយខុសច្បាប់នូវសារធាតុញៀន នៅចំណុចភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ឃាត់ខ្លួនជនសង្ស័យ ១នាក់ ។
លោកវរសេនីយ៍ឯក ហ៊ុល វាសនា ស្នងការរងនគរ បាលខេត្តកំពង់ឆ្នាំងទទួលផែនបង្ក្រាបគ្រឿងញៀន បានឲ្យដឹងថា ជនសង្ស័យឈ្មោះ អ៑ន ចាន់ធូ ភេទប្រុស អាយុ ៤០ឆ្នាំ ជនជាតិខ្មែរ មុខរបរ កម្មករ រស់នៅភូមិអំពិលផ្អែម ឃុំវិហារលួង ស្រុកពញ្ញាឮ ខេត្តកណ្ដាល ពាក់ព័ន្ធរក្សាទុក ជួញដូរ និង ប្រើប្រាសដោយខុស ច្បាប់នូវសារធាតុញៀន ។
លោកវរសេនីយ៍ឯក ហ៊ុល វាសនា បានឲ្យដឹងទុំតថា ក្នុងការបង្ក្រាបខាងលេីនេះ សមត្ថកិច្ចដកហូតវត្ថុតាងថ្នាំញៀនចំនួន១២កញ្ចប់ ,ទូរស័ព្ទ ០១គ្រឿង និងម៉ូតូ ០១គ្រឿង។
បច្ចុប្បន្នជនសង្ស័យត្រូវបានសមត្ថកិច្ចជំនាញកសាងសំណុំរឿងបញ្ជូនទៅសាលាដំបូងខេត្តកំពង់ឆ្នាំងចាត់ការបន្តតាមនិតិវីធី ៕
