ដោយ រតនា
ភ្នំពេញះ រថយន្ត ចំនួន ២គ្រឿង បុក គ្នា ពេញ ទំហឹង ត្រង់ ចំណុច ផ្លូវ បំបែក ជាបួន បណ្តាល ឲ្យ រថយន្ត រង ការ ខូចខាត ទាំង សង ខាង យ៉ាង ដំណំ ។
ហេតុការណ៍នេះកើតឡើងនៅវេលាម៉ោង១១នឹង១៥នាទីយប់ ថ្ងៃទី១ ខែមិនា ឆ្នាំ២០២២ ស្ថិតនៅតាមបណ្តោយផ្លូវលេខ៦P កែងផ្លូវលេខ៨R ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានអោយដឹងថាមុនពេលកើតហេតុមានរថយន្តមួយគ្រឿងម៉ាក តូយ៉ូតា ហាយឡែនឌ័រ ពណ៌ទឹកមាស ពាក់ស្លាកលេខ ភ្នំពេញ 2L-1467 បើកបរដោយបុរសម្នាក់រួមដំណើរជាមួយនារីម្នាក់ក្នុងទិសដៅពីកើតទៅលិចតាមបណ្តោយផ្លូវលេខ៨R ក្នុងល្បឿនលឿនលុះមកដល់ផ្លូវបំបែកជាបួនបានបុកជាមួយរថយន្តមួយគ្រឿងម៉ាក លុចស៊ីស NX200T ពណ៌ ស ពាក់ស្លាកលេខ ភ្នំពេញ 2BG-0288 បើកបរដោយបុរសម្នាក់ក្នុងទិសត្បូងទៅជើងតាមបណ្តោយផ្លូវលេខ៨R បណ្តាលអោយកំពិតទ្វារក្រោយខាងឆ្វេងចំណែករថយន្តហាយឡែនឌ័រខូចខាតផ្នែកខាងមុខយ៉ាងដំណំ សំណាងល្អមិនមានអ្នករងរបួស។
ក្រោយពេលកើតហេតុដោយភាគីទាំងសងខាងធ្វើការចរចាគ្នាដោយភាគីខាងរថយន្តហាយឡែនឌ័រព្រមសងសំណាងទៅខាងភាគីរថយន្តលុចស៊ីសដើម្បីបញ្ចប់រឿងនៅកន្លែងកើតហេតុ៕
