កំពង់ឆ្នាំង៖ នៅវេលាម៉ោង០៧:៣០នាទីព្រឹក ថ្ងៃទី០៣ ខែមីនា ឆ្នាំ២០២២ លោកវរសេនីយ៍ឯក ហង្ស សុជាតិ មេបញ្ជាការរង កងរាជអាវុធហត្ថខេត្តកំពង់ឆ្នាំង ដឹកនាំកម្លាំងអាវុធហត្ថខេត្ត និងកម្លាំងអាវុធហត្ថក្រុងកំពង់ឆ្នាំងចូលរួមធ្វើអនាម័យបោស សម្អាតទីក្រុងកំពង់ឆ្នាំង ក្នុងទិវាជាតិទីក្រុងស្អាតលើកទី១០ ក្រោមប្រធានបទ«ទីក្រុងស្អាត គាំទ្រការបើកទេសចរណ៍កម្ពុជា» នៅបរិវេណមាត់ទន្លេកំពង់ ផែទេសចរណ៍ចុងកោះ និងមាត់ទន្លេផ្សារក្រោមក្រុងកំពង់ឆ្នាំង ។
លោកវរសេនីយ៍ឯក ហង្ស សុជាតិ មេបញ្ជាការរង កងរាជអាវុធហត្ថខេត្តកំពង់ឆ្នាំង បានថ្លែងថា ការដឹក នាំកងកម្លាំង អ.ហ ចូលរួមធ្វើអនាម័យបោសសម្អាត ទីក្រុងកំពង់ឆ្នាំង ក្នុងទិវាជាតិទីក្រុងស្អាតលើកទី១០ ក្រោមប្រធានបទ«ទីក្រុងស្អាតគាំទ្រការបើកទេសចរណ៍ កម្ពុជា» នេះថ្ងៃនេះ គឺក្នុងគោលបំណង ផ្សព្វផ្សាយ និងបញ្ជ្រាបការយល់ដឹងអំពីទីក្រុងស្អាត និងការសម្អាតទីក្រុងនៃខេត្តកំពង់ឆ្នាំង ឲ្យមានសោភ័ណភាពស្រស់បំព្រង ។
