ភ្នំពេញ៖ ក្រុមហ៊ុនហ្វេតថាក់ប៊ីហ្សនេសសឹលូសិន ឯ.ក ដែលជាភ្ញាក់ងារ សេវាកម្ម ពន្ធដារ ត្រូវបានកម្លាំងនគរបាល នាយដ្ឋានសន្តិសុខ ផ្ទៃ ក្នុងនៃក្រសួងមហាផ្ទៃ សហការជាមួយនាយកដ្ឋាន ពន្ធដារ បានចុះឆែកឆេរ ដើម្បី រុករកវត្ថុតាង ដែលម្ចាស់ក្រុមហ៊ុន ដែលគេអះអាងថា ជាមន្រ្តីពន្ធដារ បានក្លែងបន្លំឯកសារ កឹបកេង លុយរដ្ឋ រាបលានដុល្លារតាមរយះធ្វើឯកសារបង់ពន្ធ។
ប្រតិបត្តិការចុះការឆែកឆេរ ក្រុមហ៊ុន នេះបានធ្វើឡើង កាលពីវេលាម៉ោងប្រមាណ៩ព្រឹក ថ្ងៃទី០៧ខែ មិនា ឆ្នាំ២០២២ នៅស្នាក់ការក្រុមហ៊ុន ដែល ស្ថិតនៅ ផ្ទះលេខ ២៥១Cផ្លូវលេខ ១៥០ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញទៅតាម អំណាចដិការបង្គាប់អោយឆែកឆេរលេខ០២ក .ដ.ឆចុះថ្ងៃទី២៥ខែកុម្ភះឆ្នាំ ២០២២របស់ លោក តាំង ស៊ុនឡាយប្រធានសាលាដំបូងរាជធានីភ្នំពេញ ។
ប្រតិបត្តិការនេះដឹកនាំ ដោយលោក ឧត្តមសេនីយ៍ត្រី ប៊ុត ភីន អនុប្រធាននាយកដ្ឋានសន្តិសុខ ផ្ទៃក្នុង នៃក្រសួងមហាផ្ទៃ និងមានការចូលរួមសម្របសម្រួលពីលោកឆាយ ហុង ព្រះរាជ្ញារងនៃអយ្យការអមសាលាដំបូងរាជធានីភ្នំពេញនិងលោកសុខ ហេង អនុប្រធាននាយដ្ឋានពន្ធដារនៃអគ្គនាយកដ្ឋានពន្ធដារព្រមទាំងអាជ្ញាធរនិងសមត្ថកិច្ច មូលដ្ឋាន ផងដែរ។
តាមព័ត៌មាន បានបង្ហើបអោយការ ចុះឆែកឆេរក្រុមហ៊ុនហ្វេតថាក់ប៊ីហ្សនេសសឹលូសិន ឯ.កនេះ បាន ធ្វើឡើង បន្ទាប់ ពីនាយកដ្ឋាន ពន្ធដារ បានធ្វើការស្រាវជ្រាវ ឃើញ ថា ម្ចាស់ក្រុមហ៊ុន បានឃុបឃិត គ្នា ក្លែងបន្លំឯកសារបង់ពន្ធ ដើម្បី កឹបកេង ប្រាក់បង់ពន្ធរបស់រដ្ឋ ដែលមានទឹកប្រាក់រាបលានដុល្លារសហរដ្ឋអាមេរិក ។
តាមសមត្ថកិច្ច បានអោយដឹងថា នៅក្នុងការឆែកឆេរ សមត្ថកិច្ច បានដកហូតវត្ថុតាងជាច្រើនរួមមាន៖កំព្យូទ័រជាច្រើនគ្រឿង ម៉ាស៊ីនកាមេរា ឧបករណ៍ អេឡិចត្រូនិច ជាច្រើនគ្រឿង ,ឯកសារនិងត្រាជាច្រើន ទៀតព្រមទាំងឃាត់ខ្លួន បុគ្គលិក ចំនួន ៥នាក់ទៅសាកសួរ ក្នុង១.ឈ្មោះហ៊ត លីហុងភេទប្រុស ជាប្រធានគណនេយ្យ តំណាងក្រុមហ៊ុន , ២ . ហ៊ុល ស្រីលី ភេទស្រីអាយុ២៣ឆ្នាំ ,៣.ឡែម រ័ត្ន ភេទស្រីអាយុ២៥ឆ្នាំ ,៤.ឈ្មោះហុង ចានវុទ្ធីភេទប្រុសអាយុ៤៧ឆ្នាំ និង៥.ឈ្មោះកុត សម្បត្តិ ទៅកាន់នាយកដ្ឋាន សន្តិសុខផ្ទៃក្នុង ដើម្បីសាកសួរ ។ចំណែកទីតាំងក្រុមហ៊ុន ត្រូវបានសមត្ថកិច្ច បិទសៀល ឃ្លុំបេជាបណ្តោះអាសន្ត។
តាមព័ត៌មានអោយដឹងថា នៅក្នុងថ្ងៃនេះ ដែលសមត្ថកិច្ច បានចុះត្រួតពិនិត្យឆែកឆេរផ្ទះចំនួន២ទៀត នៅក្នុងខណ្ឌឬស្សីកែវ ១កន្លែង និងខណ្ឌ ពោធិ៍សែនជ័យ ១កន្លែង៕
