(ឧត្តរមានជ័យ) មន្រ្តីពាក់ព័ន្ធបានឲ្យដឹងថា មានភ្លៀងធ្លាក់លាយឡំនិងខ្យល់កន្ត្រាក់ខ្លាំងខុសពីធម្មតាបណ្តាលឲ្យប៉ះពាល់លំនៅដ្ឋានប្រជាពលរដ្ឋ និងទ្រព្យសម្បត្តិផ្សេងៗនៅ ខេត្តឧត្តរមានជ័យ ។
សាធារពជន បានបង្ហោះរូបភាពតាមបណ្តាញសង្គមហ្វេសប៊ុក ដែលបង្ហាញនូវទិដ្ឋភាពក្នុងខេត្តឧត្តរមានជ័យ រងគ្រោះដោយ ភ្លៀងលាយឡំនិងខ្យល់កន្ត្រាក់ កាលពីរសៀលថ្ងៃចន្ទ័ ម្សិលមិញ រួមមានការបាក់ធ្លាក់ផ្ទាំងផ្សព្វផ្សាយ ពាណិជ្ជកម្មតាមផ្លូវ ការបាក់ដើមឈើសង្កត់រថយន្តនិងរបើកដំបូលផ្ទះរបស់ប្រជាពលរដ្ឋមួយចំនួនបណ្តាករងការខូចខាតផងដែរ។
បើតាមហេ្វសប៊ុក របស់មន្ទីរធនធានទឹកនិងឧតុនិយមខេត្តឧត្តរមានជ័យ បានអោយដឹងថានៅរសៀលថ្ងៃទី០៧ ខែមិនាឆ្នាំ២០២២ មានភ្លៀងធ្លាក់លាយឡំនិងខ្យល់កន្ត្រាក់បានបណ្ដាលឲ្យប៉ះពាល់លំនៅដ្ឋានប្រជាពលរដ្ឋចំនួន៤៤ខ្នង ស្មើនឹង១០ ភូមិស្ថិតនៅសង្កាត់សំរោង ក្រុងសំរោងខេត្តឧត្តរមានជ័យ។ គ្មានករណីមនុស្សស្លាប់នោះទេ។
ក្រសួងក៏បានអំពាវនាវឱ្យប្រជាពលរដ្ឋប្រុងប្រយ័ត្នចំពោះបាតុភូតផ្គររន្ទះនិងខ្យល់កន្ត្រាក់ដែលអាចកើតមានជាយថាហេតុ៕
