មូលនិធិកុមាររបស់អង្គការសហប្រជាជាតិបានបង្ហោះសារនៅបណ្ដាញសង្គម Twitter កាលពីថ្ងៃចន្ទថា មនុស្សប្រមាណ21 លាននាក់នៅក្នុងប្រទេសយេម៉ែនដែលហែកហួរដោយសង្រ្គាម ឬជិត 70 ភាគរយនៃចំនួនប្រជាជនសរុបត្រូវការជំនួយមនុស្សធម៌សង្គ្រោះជីវិត។
អង្គការយូនីសេហ្វបានកត់សម្គាល់ថា«តួរលេខនេះរួមបញ្ចូលទាំងកុមារចំនួន 11.3 លាននាក់ ឬជិត 80 ភាគរយនៃកុមារយេម៉ែន»។ទីភ្នាក់ងារមនុស្សធម៌ខាងលើនេះបាននិយាយថា នៅក្នុងប្រទេសយេម៉ែន កុមារជិត 400,000 នាក់ដែលមានអាយុក្រោម 5 ឆ្នាំកំពុងវិវត្តន៍ពីកង្វះអាហារូបត្ថម្ភស្រួចស្រាវទៅជាកង្វះអាហារូបត្ថម្ភធ្ងន់ធ្ងរ។
សូមជ្រាបថាប្រទេសយេម៉ែនបានជាប់គាំងនៅក្នុងសង្រ្គាមស៊ីវិលចាប់តាំងពីចុងឆ្នាំ2014 នៅពេលដែលកងជីវពល Houthi គាំទ្រដោយអ៊ីរ៉ង់បានដណ្តើមកាន់កាប់ខេត្តភាគខាងជើងមួយភាគធំ និងបានបង្ខំរដ្ឋាភិបាលយេម៉ែនដែលគាំទ្រដោយអារ៉ាប៊ីសាអូឌីតរបស់ប្រធានាធិបតី Abd-Rabbu Mansour Hadi ចាកចេញពីរដ្ឋធានីសាណា។
អង្គការសហប្រជាជាតិកំពុងព្យាយាមបញ្ចប់សង្គ្រាមស៊ីវិលរយៈពេលប្រាំពីរឆ្នាំ ដែលបានសម្លាប់មនុស្សរាប់ម៉ឺននាក់ មានអ្នកភៀសខ្លួនចំនួនប្រមាណ4 លាននាក់ និងបណ្ដាលឱ្យប្រទេសអាហ្វ្រិកមួយនេះជួបគ្រោះទុរ្ភិក្ស៕
