ក្រុមជើងខ្លាំងអាល្លឺម៉ង់ Bayern Munich បានលត់ក្រុម RB Salzburg ក្នុងលទ្ធផល ៧-១ សម្រាប់ការប្រកួតពានរង្វាន់ UEFA Champions League វគ្គ១៦ក្រុមចុងក្រោយ។
កាលពីជើងទី១កន្លងទៅ ក្រុមទាំងពីរបានបញ្ចប់ក្នុងលទ្ធផលស្មើគ្នា ១-១ ប៉ុណ្ណោះ ដោយពេលនោះលេងនៅទឹកដីរបស់ក្រុមRB Salzburg។ ដូច្នេះហើយទើបនៅយប់មិញជើងទី២ ពួកគេលេងនៅទឹកដីអាល្លឺម៉ង់វិញម្ដង ដោយក្រុម Bayern Munich ស៊ុតមិនបង្អង់នោះទេ ពោលគឺយកឈ្នះបានក្នុងលទ្ធផលដល់ទៅ ៧-១ ឯណោះ។
សម្រាប់៧គ្រាប់របស់ Bayern Munich នៅយប់មិញនេះដែរ បានកើតចេញពីជើងរបស់ខ្សែប្រយុទ្ធ Robert Lewandowski ដល់ទៅ៣គ្រាប់ទៅហើយ។
ការធ្វើបាន៣គ្រាប់ម្នាក់ឯងរបស់ Robert Lewandowski ក៏បានបង្កើតជាកំណត់ត្រាថ្មីផងដែរ។ ដោយរូបគេបានក្លាយជាកីឡាករដែលរកបាន Hat-trick លឿនជាងបំផុតហើយក្នុងប្រវត្តិសាស្ត្រ UEFA Champions League ដោយចំណាយពេលត្រឹម២៣នាទី៕
