ភ្នំពេញ =បុរសពីរនាក់បានដេកស្លាប់ក្នុងរថយន្តនិងនារីពីរនាក់ទៀតសន្លប់បាត់បង់ស្មារតីត្រូវបាន បញ្ជូនទៅសង្គ្រោះនៅឯមន្ទីរពេទ្យឯកជនភ្លាមៗ
បង្កឲ្យមានការភ្ញាក់ផ្អើលកាលពីវេលា
ម៉ោង៥និង30នាទីល្ងាច ថ្ងៃពុធ ទី9 ខែមីនា ឆ្នាំ2022 នៅចំណុចផ្ទះគ្មានលេខ ផ្លូវបេតុង ភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ ។
សមត្ថកិច្ចឲ្យដឹងថាជនរងគ្រោះ
ទី1/ ឈ្មោះ ចំរើន ឆៃយ៉ា ហៅដូច ភេទប្រុស អាយុ27 ឆ្នាំ មុខរបរ រត់ឡានតាកស៊ី(ស្លាប់) ស្នាក់នៅផ្ទះកន្លែងកើតហេតុខាងលើ។
ទី2/ ឈ្មោះ ឡូវ ឆាយហុង ភេទប្រុស អាយុ27ឆ្នាំ មុខរបរលក់ដូរ(ស្លាប់)ស្នាក់នៅផ្ទះលេខ61 ផ្លូវបេតុង ភូមិ4 សង្កាត់ទំនប់ទឹក ខណ្ឌចំការមន រាជធានីភ្នំពេញ។
-អ្នករងរបួសភេទ(ស្រី)ចំនួន02នាក់រងរបួសធ្ងន់(មិនស្គាល់អត្តសញ្ញាណ)កំពុងធ្វើការសង្គ្រោះនូវគ្លីនិចឯកជនម្លិះដង្កោ ។
សមត្ថកិច្ចឲ្យដឹងបន្ថែមទៀតថាមុនពេលកើតហេតុអ្នកជិតខាងឆ្ងល់ហេតុអ្វីជនរងគ្រោះបញ្ចេះឡានចោលយូម្លេះហៅមិនឆ្លើយរួចក៍ ទូរស័ព្ទប្រាប់ម្ដាយឲ្យមកមើល ពេលម្ដាយ មកដល់ចាក់សោទ្វាផ្ទះពីខាងក្រៅ មើលស្រាប់តែឃើញកូនប្រុសរបស់គាត់ស្លាប់ក្នុងរថយន្ត រួចទាំងមនុស្សស្រី02នាក់ទៀតនៅជាមួយក្នុងលក្ខណះសន្លប់ក្នុងរថយន្ត ម៉ាកហាយឡិនឌ័រ ពាក់ស្លាកលេខភ្នំពេញ 2AM.2178 ព៌ណទឹកប្រាក់ ឃើញសភាពបែកនេះ ក៍បានហៅអ្នកជិតខាងយកនារី02នាក់ដែលសន្លប់យកទៅសង្រ្គោះនៅគ្លីនិច ម្លឹះដង្កោ។
សមត្ថកិច្ចសន្និដ្ឋានវាយតម្លៃៈ តាមការពិនិត្យនិងវិភាគ ជុំវិញកន្លែងកើតហេតុ និងធ្វើកោសល្យវិច្ឆ័យ របស់កំលាំងការិយាល័យបច្ចេកទេសវិទ្យាសាស្រ្ត ស្នងការដ្ឋាននគរបាលរាជធានីភ្នំពេញ និងលោកឧញ្ញ៉ាវេជ្ជបណ្ឌិត នង សុវណ្ណារត្ន័ គ្រូពេទ្យអមសាលាដំបូងរាជធានីភ្នំពេញ គឺជនរងគ្រោះទាំងពីរស្លាប់បណ្ដលមកពី(គាំងបេះដូង) អាចបណ្ដាលមកពីប្រើប្រាស់សារធាតុញៀនលើសកំរិតដោយក្នុងរថយន្តបន្សល់ទុកនូវម្សៅក្រាមពណ៍សថ្លាចំនួន០១កញ្ចប់(សង្ស័យសារធាតុញៀន) ។
បច្ចុប្បន្ន ៖ សាកសពប្រគល់អោយទៅក្រុមគ្រួសារយកទៅធ្វើបុណ្យតាមប្រពៃណី ។
