ដោយ ណារិទ្ធ
ព្រះវិហារ ៖ កាលពីថ្ងៃទី១៥ ខែមិនា ឆ្នាំ២០២២ ម្សិលមិញនេះ លោក អ៊ុង វុធ្ធី អភិបាលរងខេត្តព្រះវិហារសហការជាមួយលោក យូ ចន្ដាយុត្តិ ប្រធានមន្ទីររ៉ែ និងថាមពលខេត្តព្រះវិហារ និងលោកហោ ប៊ុនហួរ អភិបាលស្រុករវៀង ដោយមានការចូលរួមនិងសម្របសម្រួលពីលោក ថុល គឹមហុង ព្រះរាជ្ញអាជ្ញារង ព្រមទាំងមន្ត្រីរាជកា កងកំលាំងប្រដាប់អាវុធ ជាច្រើនរូបបានចូលរួមចុះបង្ក្រាប់ទីតាំងរ៉ែមាសអនាធិបតេយ្យគ្មានច្បាប់ ចំនួន ១២ទីតាំង ស្ថិតនៅតំបន់ភ្នំអន្លង់ ភូមិរំដេង ឃុំរមទម ស្រុករវៀង ខេត្តព្រះវិហារ។
លោក យូ ចន្ដាយុត្តិ ប្រធានមន្ទីររ៉ែ និងថាមពលខេត្តព្រះវិហារបានឲដឹងថា ក្រោយទទួលបានដំណឹងរាយការណ៍មកថា មានក្រុមឈ្មួញប្រកបអាជីវកម្មរ៉ែមាសខុសច្បាប់យ៉ាងអនាធិបតេយ្យខាងលើនោះរួចមក លោកបានរាយការណ៍ទៅរដ្ឋបាលខេត្តដើម្បីសូមគោលការក្នុងការចុះបង្ក្រាប់ធន់ធានធម្មជាតិរ៉ែមាស់នៅតំបន់ភ្នំអន្លង់ ដែលកំពុងប្រព្រឹតយ៉ាងគគ្លើន។
លោកបានបន្តទៀតថាក្នុងការចុះបង្ក្រាប់ការធ្វើអាជីវកម្មរ៉ែមាសខាងលើនោះបានចំនួន ១២ទីតាំង ដែលកំពុងធ្វើសកម្មភាពខុសច្បាប់ ត្រូវបំផ្លាញចោលទាំងស្រុង ដោយប្រើគ្រឿងចក្រកាយកំទេចអាងចាក់គីមី លប់រន្ដៅបន្ទុះគ្រាប់ វាយកំទេចម៉ាស៊ីន រួចទំលាក់ចូលក្នុងអន្លង់លប់ដីពីលើ និងម៉ាស៊ីនមួយចំនួនទៀតត្រូវបានយកមករក្សាទុកនៅស្រុករវៀង។
ក្រោយពីការចុះបង្ក្រាប់រួចមកលោកបានឲក្រុមឈ្មួញទាំងនោះធ្វើកិច្ចសន្យាបញ្ឈប់ក្នុងការប្រកបអាជីវកម្មរ៉ែមាសនេះបន្តទៀត បើមិនដូចច្នោះទេ និងរៀបចំចងក្រងសុំនុំឯកសារចាត់ការតាមនិតិវិច្បាប់ដោយមិនលើលែងនោះទេ។លោក យូ ចន្ដាយុត្តិ បានបញ្ជាក់ទៀតថា មិនមែនតែថ្នាក់ខេត្តទេដែលចុះបង្ក្រាប់នោះ រហូតដល់ថ្នាក់ក្រសួងថែមទៀត តែក្រុមឈ្មួញទាំងនោះមិនខ្លាចញញើតរអានិងច្បាប់ទាន់តែសោះ ។
ប្រភពច្បាស់ការពីប្រជាពលរដ្ឋនៅតំបន់នោះបានបង្ហើបឲដឹងថា ក្រោយពីការចុះបង្ក្រាប់មិនបានមួយចង្អិនផងនោះ នៅរសៀលថ្ងៃទី១៦ ខែមីនា នេះដែរ ក្រុមឈ្មួញមួយចំនួនបានរៀបចំដំឡើងម៉ាស៊ីឡើងវិញរួចរាល់ ដោយផ្គើននិងការចុះបង្ក្រប់ខាងលើនោះ ៕
