កំពង់ឆ្នាំង: ប្រជាពលរដ្ចំនួន១២គ្រួសារ នៅក្នុងឃុំប្រឡាយមាស ស្រុកកំពង់លែង ខេត្តកំពង់ឆ្នាំង ស្ម័គ្រចិត្តប្រគល់ឧបករណ៍ឆក់ត្រីចំនួន១២គ្រឿង ជូនសមត្ថកិច្ច និងសន្យាបញ្ឈប់សកម្មភាពឆក់ត្រី ដែលការបង្កមហន្តរាយយ៉ាងខ្លាំងដល់មច្ឆាជាតិ ។
ពិធីប្រគល់ -ទទួលឧបករណ៍ឆក់ត្រីខាងលេីនេះធ្វេីឡេីងនៅ ព្រឹកថ្ងៃទី២១ ខែមិនា ឆ្នាំ២០២២ នៅក្នុងឃុំប្រឡាយមាស ក្រោមអធិបតីឧត្តមសេនីយ៍ត្រី ចាប ចាន់ថា ស្នងការរងទទួលបន្ទុកផ្នែកសេដ្ឋកិច្ច និងមានការចូលរួមពីមន្ត្រីរដ្ឋបាលជលផលខេត្ត អាជ្ញាធរឃុំ ភូមិ ផងដែរ។
សូមបញ្ជា់ថាការស្ម័គ្រចិត្តប្រគ់បករណ៍ឆក់ត្រីជូនសមត្ថកិច្ចក្នុងខេត្តកំពង់ឆ្នាំងពីមុន ក៍ដូចជានៅពេលនេះផងដែរគឺមានការអនុវត្តនិងស្ម័គ្រចិត្ត ក្រោយមានការណែនាំរបស់ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងជាប្រធានគណៈបញ្ជាការឯកភាពរដ្ឋបាលខេត្ត បានបើកកិច្ចប្រជុំជាបន្ទាន់ និងបានដាក់ចេញនូវបទនេះយ៉ាងតឹងរ៉ឹង កាលពីថ្ងៃទី៣០ ខែមករា ឆ្នាំ២០២២ កន្លងមកដោយកម្លាំងគណៈបញ្ជាការឯកភាពរដ្ឋបាលគ្រប់ស្រុក សហការជាមួយមន្ត្រីជំនាញខណ្ឌជលផលខេត្ត បានខិតខំប្រឹងប្រែងចុះផ្សព្វផ្សាយអប់រំអំពីវិធានការទប់ស្កាត់ការប្រើប្រាស់ឧបករណ៍នេសាទខុសច្បាប់ ជាពិសេសការនេសាទដោយប្រើឧបករណ៍ឆក់ត្រី។
ជាមួយគ្នានេះលោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង បានខិតខំ និងដឹកនាំបញ្ជា ចង្អុលបង្ហាញដល់កម្លាំងអធិការដ្ឋាននគរបាលស្រុកនិងកម្លាំងប៉ុស្តិ៍រដ្ឋបាលទាំងអស់ក្នុងស្រុក ឲ្យចុះផ្សព្វផ្សាយណែនាំឱ្យប្រជាពលរដ្ឋដែលកំពុងប្រព្រឹត្តិបទល្មើសឆក់ត្រី ស្ម័គ្រចិត្តប្រគល់ឧបករណ៍ឆក់ត្រីទាំងឆក់ក្តៅ និងឆក់ត្រជាក់ជូនសមត្ថកិច្ចវិញ ដើម្បីនាំគ្នាថែរក្សាឱ្យខាងតែបាន នូវពូជត្រីទឹកសាបឱ្យមាននិរន្តរភាព។
ក្នុងឱកាសនេះផងដែរ លោក ឧត្តមសេនីយ៍ត្រី ចាប ចាន់ថា បានធ្វើការណែនាំក្រេីនរម្លឹកទៅដល់ប្រជាពលរដ្ឋនៅក្នុងតំបន់ទាំងអស់ ក៦ដូចជានៅទូទាំងខេត្តកំពង់ឆ្នាំង ឱ្យបញ្ឈប់ការនេសាទខុសច្បាប់ដើម្បីជួយរួមចំណែកក្នុងការរក្សាធនធានមច្ឆាជាតិអោយបានគង់វង្សទៅថ្ងៃអនាគត ៕
