ខ្សែប្រយុទ្ធ Robert Lewandowski រកបាន៣១គ្រាប់ហើយនៅលីគ Bundesliga នារដូវកាលនេះបន្ទាប់ពីរកបាន២គ្រាប់ក្នុងជ័យជម្នះលើក្រុម FC Union Berlin ក្នុងលទ្ធផល ៤-០ ។
វាជាកំណត់ត្រាល្អបំផុតសម្រាប់កីឡាករប៉ូឡូញរូបនេះ។ Lewandowski រកគ្រាប់បាល់បានចាប់ពី៣០គ្រាប់ឡើង បាន៥រដូវកាលជាប់គ្នាមកហើយ ដោយវាជាកំណត់ត្រាស្មើជាមួយកីឡាករGerd Muller ។ក្រុម Bayern Munich នៅពេលនេះឈរកំពូលតារាង ដោយដាច់ក្រុមលេខ២ រហូតដល់៧ពិន្ទុ។ពួកគេនៅតែជាក្រុមមានភាគរយច្រើនក្នុងការឈ្នះពានរង្វាន់លីគដដែល។
សម្រាប់ Lewandowski វិញបើគិតគ្រប់ការប្រកួតនៅត្រឹមនេះ គឺរូបគេរកបានដល់៤៣គ្រាប់ហើយ ដោយក្នុងលីគកំពូលអាល្លឺម៉ង់មាន៣១គ្រាប់។យ៉ាងណាក៏ដោយក្រៅពីប្រកួតនៅលីគ,ក្រុមយក្សអាល្លឺម៉ង់នេះក៏នៅមានពានរង្វាន់មួយទៀតដែរ គឺពាន UEFA Champions League។ ពួកគេឡើងវគ្គ៨ក្រុមចុងក្រោយ ដោយប៉ះជាមួយក្រុម Villarreal៕
