រថយន្តដឹកឈើផ្ទះចាស់របៀបកន្លេលធំបន្លំដេក ត្រូវអស់ល័ក្ខជាប់អន្ទាក់សមត្ថកិច្ចជំនាញខ័ណ្ឌរដ្ឋបាលព្រៃឈើព្រះវិហារ

ព្រះវិហារ ៖ កាលពីយប់ថ្ងៃទី២៤ ខែមិនា ឆ្នាំ២០២២ កំលាំងខ័ណ្ឌរដ្ឋបាលព្រៃឈើព្រះវិហារសហការជាមួយ កំលាំផ្នែករដ្ឋបាលព្រៃឈើឆែប និងអជ្ញាធរមូលដ្ឋានចុះបង្ក្រាប់រថយន្តវេ1 មួយគ្រឿង ពាក់ផ្លាកលេខ កំពង់ចាម 3A7119 ដឹកឈើផ្ទះចាស់បង្កប់ឈើថ្មី ( កន្លេលធំបន្លំដេក ) ត្រូវបានអស់ល័ក្ច នៅចំណុចភូមិបុស្ស ឃុំម្លូព្រៃពីរ ស្រុកឆែប ខេត្តព្រះវិហារ ខណៈពេលដែលក្រុមឈ្មួញកំពុងលើកឈើឡើងលើរថយន្ត ។

ប្រតិបត្តិការនេះដឹកនាំបញ្ជាដោយលោក ឆិញ សេង និង លោក ម៉ក់ បញ្ញា នាយរងខ័ណ្ឌរដ្ឋបាលព្រៃឈើព្រះវិហារ លោក សេង លាង នាយផ្នែករដ្ឋបាលព្រៃឈើឆែប សហការជមួយកម្លាំងនគរបាលស្រុកឆែប នឹងអាជ្ញាធរមូលដ្ឋានផងដែរ ។

លោក សេង លាង បានអោយដឹងថា ការចុះបង្ក្រាបបទល្មើសដឹកជញ្ជូនឈើនេះធ្វើឡើងតាមការចង្អុលបង្ហាញពីលោក ពឹង ទ្រីដា ប្រធានមន្ទីរកសិកម្មខេត្តព្រះវិហារ នឹងលោក នួន សុខុម នាយខណ្ឌ័រដ្ឋបាលព្រៃឈើព្រះវិហារ កម្លាំងជំនាញបានតាមដានជាយូរមកហើយ ដោយក្រុមឈ្មួញមានការដើរប្រមូលទិញឈើយកមកស្តុបទុកនៅចំណុចខាងលើ លុះយប់ថ្ងៃទី២៣ ខែមិនានេះ ក្រុមឈ្មួញបានយករថយន្តប្រភេទវេ1មួយគ្រឿងនេះចូលលើកឈើដាក់ ត្រូវបានកម្លាំងចម្រុះចុះទៅដល់ទីតាំង ឃើញកំពុងលើកឈើដាក់រថយន្ត នឹងបានធ្វើការឃាត់រថយន្តនេះតែម្តង លោក សេង លាង បន្តអោយដឹងទៀតថា ក្រុមឈ្មួញរកសុីដឹកជញ្ជូនឈើ មានកលល្បិចខ្ពស់ណាស់ ពេលលើកឈើឡើងលើរថយន្តពេញហើយ យកបាវអង្កាមមកដាក់ពីលើ ដើម្បីបំភាន់ភ្នែកសមត្ថកិច្ច តែទោះឈ្មួញរៀបចំបំភាន់ភ្នែកសមត្ថកិច្ចយ៉ាងណាក៍ដោយ នៅតែកម្លាំងជំនាញបង្ក្រាបបានជាបន្តបន្ទាប់ផងដែរ។

លោក នួន សុខុម នាយខ័ណ្ឌរដ្ឋបាលព្រៃឈើព្រះវិហារ បានអោយដឹងថា ខណ្ឌ័រដ្ឋបាលព្រៃឈើព្រះវិហារ រួមទាំងផ្នែក សង្កាត់រដ្ឋបាលព្រៃឈើ តែងតែយកចិត្តទុកដាក់បំពេញតួនាទីរបស់ខ្លួនបានយ៉ាងល្អ រាល់ការចុះតាមដាន សឺបអង្កេត ស្តុកទុកនៅការដឹកជញ្ជូនបទល្មើសធនធានធម្មជាតិនឹងការកាប់រានដីព្រៃរបស់រដ្ឋយកធ្វើកម្មសិទ្ឋ នៅក្នុងភូមិសាស្ត្រខេត្តព្រះវិហារ តាមបទបញ្ជារបស់ថ្នាក់ដឹកនាំខេត្តទទួលបានលទ្ឋផលជោកជ័យជាបន្តបន្ទាប់ ក្នុងនោះបានធ្វើការដកហូតដីយកមកទុកជាសម្បត្តិរដ្ឋបានជាច្រើនពាន់ហិចតា ។

ក្រោយពីការចុះបង្ក្រាប់របស់សមត្ថមិច្ចរួចមក រថយន្តដឹកបទល្មើស និងឈើខាងលើត្រូវបានរឹបអូសយកមករក្សាទុកនៅថ្នាលបណ្តុះកូនឈើផ្នែករដ្ឋបាលព្រៃឈើឆែប ដើម្បីចាត់ការបន្តទៅតាមនិតិវិធីច្បាប់ ៕