សង្ស័យស្រវឹងជ្រុល បើករថយន្តរេចង្កូត ជ្រុលបុករបាំងសួនច្បារពុះចែកទ្រូងផ្លូវ

ដោយ រតនា

ភ្នំពេញ៖ បុរសម្នាក់បើករថយន្តម៉ាក ហាយឡិនឌ័រមួយគ្រឿងសង្ស័យថាស្រវឹងធ្លាក់ភ្នែកស្រួលចង្កូតឡើងខឿនពុះចែកផ្លូវអូសជាច្រើនម៉ែត្រ បណ្ដាលឲ្យរថយន្តបាក់កាឡេកង់មុខបើកបរទៅមុខលែងរួច។

ហេតុការណ៍នេះកើតឡើងនៅវេលាម៉ោង ១១និង ៣០នាទីយប់ត្រូវនឹងថ្ងៃទី ៣១ ខែមីនា ឆ្នាំ ២០២២ ដែលស្ថិតតាមបណ្ដោយផ្លូវ R5 ក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។

តាមប្រភពព័ត៌មាននៅទីតាំងកើតហេតុបានបញ្ជាក់ដល់ក្រុមការងារឱ្យបានដឹងថា៖ នៅមុនពេលកើតហេតុគេបានឃើញរថយន្តម៉ាក ហាយឡិនឌ័រ មួយគ្រឿង ពណ៌ខ្មៅ ពាក់ ស្លាកលេខ ភ្នំពេញ 2V-0193 ដោយធ្វើដំណើរតាមបណ្ដោយផ្លូវ R5 ក្នុង ទិស ដៅ ពី ត្បូងទៅជើង។ លុះ ធ្វើ ដំណើរ មកដល់ត្រង់ចំណុចផ្លូវកោង ដោយបើកបរក្នុងស្ថានភាពល្បឿនលឿន ថែមទាំងខ្វះការប្រុងប្រយ័ត្នសង្ស័យថាស្រវឹង ក៏បានរេចង្កូតឡើងទៅលើខឿន ពុះ ចែក ទ្រូង ផ្លូវ រងការ ខូចខាត អស់ ចំនួន ២ កង់ និង បណ្តាល ឲ្យរថយន្តរងការខូចខាតបាក់ ក្រឡេកង់ខាងមុខ ចំហៀងខាងឆ្វេងធ្វើដំណើរទៅមុខលែងរួច។ បន្ទាប់ពីកើតហេតុក៏មានវត្តមានរបស់កម្លាំងសមត្ថកិច្ចមូលដ្ឋានបានចុះទៅទីតាំងកើតហេតុ ដេីម្បី ធ្វើ ការ ត្រួត ពិនិត្យ ។

ក្រោយ ពេល កើតហេតុភាគីទាំងសងខាងបានធ្វើការសម្របសម្រួលគ្នា ដោយភាគីខាងម្ចាស់រថយន្តចេញថ្លៃសំណងខូចខាតទៅឲ្យភាគីក្រុមហ៊ុនបឹងកក់ចំនួន ១៥០ដុល្លារដើម្បីបញ្ចប់រឿង ចំណែកឯភាគី ម្ចាស់ បាន ទាក់ ទង ហៅ ឡាន មក ស្ទូច រថយន្ត យក ទៅ ជួសជុល ដោយ ខ្លួនឯង ៕