ប្រធានាធិបតីអ៊ីរ៉ង់ លោក Ebrahim Raisi បាននិយាយកាលពីថ្ងៃអាទិត្យថា សហរដ្ឋអាមេរិកមិនមានការអាណិតអាសូរណាមួយចំពោះបណ្ដារប្រទេសមូស្លីមនៅក្នុងតំបន់នោះទេ។នេះបើយោងតាមគេហទំព័រផ្លូវការរបស់ប្រធានាធិបតីអ៊ីរ៉ង់ហើយត្រូវបានដកស្រង់ចេញផ្សាយដោយការសែតចិនស៊ីនហ៊ួរនៅថ្ងៃទី០៤ខែមេសាឆ្នាំ២០២២។ដោយធ្វើការកត់សម្គាល់ខាងលើនៅក្នុងការសន្ទនាតាមទូរស័ព្ទជាមួយសមភាគីអ៊ីរ៉ាក់ Barham Salih,លោក Raisi បាននិយាយថា វាបានក្លាយជាភស្តុតាងដែលថាអំណាចខាងក្រៅស្វែងរកតែផលប្រយោជន៍ផ្ទាល់ខ្លួន និងគោលដៅអនុត្តរភាពតែប៉ុណ្ណោះ។
លោក Raisi បាននិយាយថា អ៊ីរ៉ង់គាំទ្រអ៊ីរ៉ាក់ក្នុងការលើកកម្ពស់ការរួបរួម ឯករាជ្យភាព សន្តិសុខ និងជំហរក្នុងតំបន់ និងអន្តរជាតិ ដោយកត់សម្គាល់ថា អសន្តិសុខណាមួយនៅក្នុងប្រទេសអ៊ីរ៉ាក់នឹងធ្វើឱ្យប៉ះពាល់ដល់តំបន់ទាំងមូល។
ប្រធានាធិបតីអ៊ីរ៉ង់បានប្រាប់លោក Salih ថាវិសាលភាពនៃទំនាក់ទំនង «ជាបងប្អូន និងមិត្តភាព» រវាងអ៊ីរ៉ង់ និងអ៊ីរ៉ាក់ លើសពីប្រទេសជិត។
ទន្ទឹមនឹងនោះ ប្រធានាធិបតីអ៊ីរ៉ាក់បានសង្កត់ធ្ងន់លើតម្រូវការក្នុងការបង្កើនកិច្ចសហប្រតិបត្តិការទ្វេភាគីជាមួយអ៊ីរ៉ង់ ដើម្បីជំនះលើបញ្ហាប្រឈមក្នុងតំបន់ យោងទៅតាមអាទិភាពខ្ពស់ចំពោះស្ថិរភាព និងសន្តិសុខក្នុងតំបន់។
លោកSalih បាននិយាយថា វិបត្តិក្នុងតំបន់អាចត្រូវបានដោះស្រាយដោយប្រទេសក្នុងតំបន់តែប៉ុណ្ណោះ ហើយដោយគ្មានការជ្រៀតជ្រែកពីតំបន់ខាងក្រៅ៕
