ការស្ទង់មតិ៖ពាក់កណ្តាលនៃក្រុមហ៊ុនកាណាដារងផលប៉ះពាល់ដោយជម្លោះនៅអ៊ុយក្រែន

លទ្ធផលពីការស្ទង់មតិអាជីវកម្មពិសេសនៅក្នុងខែមីនាបានបង្ហាញថាប្រហែលពាក់កណ្តាលនៃក្រុមហ៊ុនកាណាដាត្រូវបានរំពឹងថារងផលប៉ះពាល់ដោយជម្លោះនៅអ៊ុយក្រែន ។

នៅក្នុងបទសម្ភាសន៍ដែលបានធ្វើឡើងកាលពីថ្ងៃចន្ទដោយការិយាល័យប្រចាំតំបន់របស់ធនាគារកាណាដាជាមួយនឹងអ្នកគ្រប់គ្រងជាន់ខ្ពស់នៃក្រុមហ៊ុនជាង100 ដែលត្រូវបានជ្រើសរើសដើម្បីឆ្លុះបញ្ចាំងពីសមាសភាពនៃផលិតផលក្នុងស្រុកសរុបនៃវិស័យធុរកិច្ចរបស់ប្រទេសកាណាដា, ក្រុមហ៊ុន 77 ក្នុងចំណោមក្រុមហ៊ុន 152 រំពឹងថាពួកគេនឹងរងផលប៉ះពាល់ដោយសង្គ្រាម, នេះបើតាមទីភ្នាក់ងារព័ត៌មានស៊ីនហួរ។ធនាគារកណ្តាលកាណាដាបាននិយាយថា ផលប៉ះពាល់ដែលគេរំពឹងទុកជាទូទៅនោះគឺសម្ពាធនៃថ្លៃដើមកើនឡើង ដែលជាប់ពាក់ព័ន្ធជាចម្បងទៅនឹងការកើនឡើងនៃតម្លៃប្រេងឬឧស្ម័ន និងទំនិញផ្សេងទៀត ក៏ដូចជាការរំខានដល់ខ្សែសង្វាក់ផ្គត់ផ្គង់។

ក្នុងចំណោមក្រុមហ៊ុនដែលរំពឹងថាជម្លោះនៅអ៊ុយក្រែននឹងបង្កើនថ្លៃដើមរបស់ពួកគេដោយសារតែការរំខានដល់ខ្សែសង្វាក់ផ្គត់ផ្គង់នោះ គឺភាគច្រើនពឹងផ្អែកលើទំនិញនាំចូលមកពីអឺរ៉ុបឬអាស៊ី។ ក្រុមហ៊ុនជាច្រើនគ្រោងនឹងតំឡើងថ្លៃទំនិញលក់ចេញរបស់ពួកគេ, នេះបើយោងតាមលទ្ធផលស្ទង់មតិ៕