សង្ស័យស្រវឹងបើករថយន្តជ្រុលទៅបុកក្បាលនាគពុះចែកទ្រូងផ្លូវរងការខូចខាត

ភ្នំពេញ ៖ រថយន្តម៉ាក toyota prius មួយគ្រឿងបើកបរក្នុងស្ថានភាពល្បឿន លឿនបាន រេ ចង្កូត បុករបាំងថ្មពុះចែកទ្រូងផ្លូវបណ្ដាលឲ្យបាក់អស់ចំនួន ១ផ្ទាំងនិងរងការខូចខាតរថយន្តយ៉ាង ដំណំ ។

ហេតុការណ៍នេះកើតឡើងនៅវេលាម៉ោង ១២យប់រំលងអាធ្រាត្រឈានចូលថ្ងៃទី ១៤ ខែមេសា ឆ្នាំ២០២២ ដែលស្ថិតតាមបណ្ដោយផ្លូវមហាវិថីសហព័ន្ធរុស្ស៊ី ក្នុងសង្កាត់ស្រះចក ខណ្ឌ ដូនពេញ រាជធានី ភ្នំពេញ ។

យកតាមប្រភពព័ត៌មាននៅកន្លែងកើតហេតុបានបញ្ជាក់ដល់ក្រុមការងារឲ្យបានដឹងថា៖ នៅមុនពេលកើតហេតុគេបានឃើញរថយន្តម៉ាក toyota prius មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2BN-4058 បើកបរដោយបុរសម្នាក់ ដែលបានធ្វើដំណើរតាមបណ្ដោយផ្លូវមហាវិថីសហព័ន្ធរុស្ស៊ី ក្នុងទិសដៅពីកើតទៅលិច។លុះពេលធ្វើដំណើរមកដល់ត្រង់ចំណុចកើតហេតុបើកបងក្នុងស្ថានភាពបោះពួយយ៉ាងលឿនថែមទាំងខ្វះការប្រុងប្រយ័ត្ន ក៏ស្រាប់តែរេចង្កូតទៅបុកក្បាលនាគរបាំងថ្មពុះចែកទ្រូងផ្លូវចំពីមុខពេញទំហឹងបណ្តាលឲ្យបាក់អស់ចំនួន១ ផ្ទាំង និងបណ្ដាលឲ្យរថយន្តរងការខូចខាតចំ ផ្នែក ខាង មុខ ខ្ទិច ស្ទើរ តែទាំងស្រុង។

បន្ទាប់ពីកើតហេតុក៏មានវត្តមានរបស់កម្លាំងសមត្ថកិច្ចមូលដ្ឋានបានចុះទៅកន្លែងកើតហេតុរួចរាយការណ៍បន្តទៅសមត្ថកិច្ចជំនាញផ្នែកចរាចរណ៍ចុះមកធ្វើការត្រួតពិនិត្យបន្ថែមទៀតផងដែរ។

បច្ចុប្បន្នក្រោយពេលកើតហេតុ សម្ថកិច្ច ជំនាញផ្នែកចរាចរណ៍បានធ្វើការវាស់វែង រួចបានយករថយន្តទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នានៅពេលក្រោយបន្តទៀតផងដែរ។៕