ក្រុមប្រកបអាជីវកម្មយកផ្លូវធ្វើជាចំណតផ្ញើម៉ូតមិនខ្វល់ពីកក់ស្ទះចរាចរណ៍ឡើយ

ដោយ រតនា

ភ្នំពេញ៖ បញ្ហាសណ្ដាប់ធ្នាប់នេះនៅតែជាបញ្ហាប្រឈម ដូចវែកចក ដែលអាជ្ញាធរមូលដ្ឋានខណ្ឌក៏ដូចជាសង្កាត់ ប៉ុស្តិ៍រដ្ឋបាលបានចុះអប់រំណែនាំជាប្រចាំផងដែរ ប៉ុន្តែក្រុមប្រកបអាជីវកម្មមួយចំនួននៅតែបន្តយកចិញ្ជើមផ្លូវនិងផ្លូវធ្វើ អាជីវកម្ម ផ្ទាល់ខ្លួនដោយពុំបានចូលរួមអនុវត្ត ជាមួយអាជ្ញាធរ ដើម្បីរំដោះចិញ្ជើមផ្លូវ កាត់បន្ថយការកកស្ទះចរាចរណ៍ រក្សាសណ្ដាប់ធ្នាប់សាធារណៈ បរិស្ថានអនាម័យឡើយ។

ជាក់ស្ដែងរូបភាពនេះ ស្ថិតនៅតាមបណ្តោយមហាវិថី ហ្សាលដឺហ្គោល ចំណុចផ្សារទំនើប ស៉ីធីម៉ល មូលដ្ឋានខណ្ឌ៧មករា។

សូមបញ្ជាក់ផងដែរ បងប្អូនប្រកបអាជីវកម្មទទួលផ្ញើម៉ូតូ នៅលើផ្លូវបណ្ដាលឲ្យមានការកក់ចរាចរណ៍ បាត់បង់សណ្ដាប់ធ្នាប់ ធ្វើឲ្យបងប្អូនពលរដ្ឋអ្នកធ្វើដំណើរគ្មានផ្លូវសម្រាប់អ្នកថ្មើរជើង ត្រូវដើរលើផ្លូវអទិភាពរបស់យានយន្ត និងអាចបណ្ដាលឲ្យមានគ្រោះថ្នាក់ជាយថាហេតុ។

ពាក់ព័ន្ធបញ្ហានេះ ភ្នាក់ងារសារព័ត៌មានទូរទស្សន៍ ខ្មែរ ប៉ុស្តិ៍លេខ ៩បានធ្វើការទំនាក់ទំនងទៅ លោក វរសេនីយ៍ទោ ទឹម វុទ្ធី អអិការរងទទួលផែនសណ្ដាប់ធ្នាប់នៃអធិការដ្ឋាននគរបាលខណ្ឌ៧មករា តាមរយះប្រព័ន្ធtelegram លោកបានឆ្លើយតបថា ទទួលបាន លោកនឹងដឹកនាំកម្លាំងចុះធ្វើការងារនេះ ។

ជាចុងក្រោយពលរដ្ឋសំណូមដល់អាជ្ញាធរមូលដ្ឋាន ថ្នាក់សង្កាត់ ថ្នាក់ខណ្ឌ មេត្តាជួយសម្របសម្រួលពីបញ្ហានេះផង ដើម្បីកាត់បន្ថយការកកស្ទះចរាចរណ៍ និងរក្សាចិញ្ជើមផ្លូវទុកសម្រាប់អ្នកថ្មើជើងធ្វើដំណើរផង៕