អត្ថបទ និង រូបភាព ទឹម រតនា
ភ្នំពេញ៖ រថយន្តពីគ្រឿងបើកបរមិនប្រយ័ត្ន បានជ្រុលចង្កូតកៀគ្នា បណ្ដាលឲ្យរថយន្តមួយគ្រឿងទៀត វិលមួយជុំ រងការខូចខាតបន្តិចបន្តួច។
ហេតុការណ៍នេះកើតឡើងកាលពីវេលាម៉ោង ១១យប់ ថ្ងៃទី៥ ខែឧសភា ឆ្នាំ២០២២ ស្ថិតនៅតាមបណ្ដោយផ្លូវជាតិលេខ១ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ
តាមប្រភពព័ត៌មានពីកន្លែងកើតហេតុបានអោយដឹងថានៅមុនពេល គេបានឃើញរថយន្ត ២គ្រឿង ដោយមួយគ្រឿងម៉ាក តូយូតា ព្រូស ពណ៍ទឹកប្រាក់ ពាក់ស្លាកលេខ ភ្នំពេញ 2AY-2429 និង មួយគ្រឿងទៀតជាប្រភេទរថយន្ត ក្រឡុកសុីម៉ង់ ធន់ធំ ពណ៌ក្រហម គ្មានស្លាកលេខ ដែលរថយន្តទាំងង២គ្រឿង បានធ្វើដំណើរតាមបណ្តោយផ្លូវជាតិលេខ១ ទិសដៅពីលិចទៅកើត ស្របទិាដៅគ្នា ខណៈពេលមកដល់ចំណុចកើតហេតុរថយន្ត ក្រឡុកសុីម៉ង់ បានរេចង្កូតមកខាងស្តាំ បន្តិច ស្រាប់តែកៀរថយន្ត តូយូតា ព្រូស វិលរថយន្តគៀបជាប់ទទឹងរថយន្តក្រឡុកសុីម៉ង់ បណ្ដាលឲ្យរថយន្ត តូយូតា ព្រូស រងការខូចខាតបន្តិចបន្តួច ផ្នែកទ្វាមុខខាងឆ្វេង តែសំណាងល្អដែលមិនមានអ្នករងរបួស។
ក្រោយពេលកើតហេតុសមត្ថកិច្ចមូលរដ្ឋាន បានចុះមកដល់ចំណុចកើតហេតុ និង បានសម្របសម្រួលភាគីម្ចាស់រថយន្តទាំង២គ្រឿង ប្រហែល ៣០នាទីក្រោយមក ភាគីទាំងសងខាង បានព្រមសម្រួលគ្នាបញ្ចប់រឿងនៅកន្លែងកើតហេតុតែម្តង៕
