ទីស្តីការគណៈរដ្ឋមន្ត្រីរបស់ប្រទេសលីបង់បាននិយាយនៅក្នុងសេចក្តីថ្លែងការណ៍មួយថា នាយករដ្ឋមន្ត្រីលីបង់ Najib Mikati កាលពីថ្ងៃអាទិត្យបានថ្កោលទោសការវាយប្រហារដ៏ឃោឃៅនៅឧបទ្វីបស៊ីណៃរបស់ប្រទេសអេហ្ស៊ីប ដែលបានសម្លាប់ទាហាន 11 នាក់កាលពីថ្ងៃសៅរ៍កន្លងទៅនេះ។
នៅក្នុងការសន្ទនាតាមទូរស័ព្ទជាមួយនាយករដ្ឋមន្ត្រីអេហ្ស៊ីប Mostafa Madbouly លោក Mikati បាននិយាយថា «យើងថ្កោលទោសចំពោះទង្វើភេរវកម្មនេះ ដែលបានកំណត់គោលដៅលើប្រទេសអេហ្ស៊ីប សន្តិសុខ និងស្ថិរភាពរបស់ប្រទេស»។
លោក Mikati ត្រូវបានសារព័ត៌មានចិនស៊ីនហួរដកស្រង់សម្តី ផ្សាយកាលពីថ្ងៃទី០៨ឧសភា ២០២២ថា៖«យើងសម្តែងការអាណិតអាសូររបស់យើងជាមួយប្រជាជនអេហ្ស៊ីប និងក្រុមគ្រួសារនៃជនរងគ្រោះនៅក្នុងឧបទ្ទវហេតុនេះ»។
លោកនាយករដ្ឋមន្ត្រីបានកត់សម្គាល់ថា៖«យើងមានទំនុកចិត្តថា អេហ្ស៊ីប ក្រោមការដឹកនាំរបស់ប្រធានាធិបតីអេហ្ស៊ីប Abdel-Fattah al-Sisi អាចប្រឈមមុខនឹងគ្រោះថ្នាក់ទាំងអស់យ៉ាងរឹងមាំ និងស្ដារឡើងវិញនូវភាពរុងរឿង»។
កងទ័ពអេហ្ស៊ីបបានបញ្ជាក់ថា ទាហានអេហ្ស៊ីបយ៉ាងតិចណាស់១១នាក់កាលពីថ្ងៃសៅរ៍ត្រូវបានសម្លាប់ និង៥នាក់ផ្សេងទៀតរងរបួសនៅក្នុងការប៉ះទង្គិចជាមួយក្រុមភេរវករនៅស្ថានីយ៍បូមទឹកមួយកន្លែងភាគខាងលិចឧបទ្វីស៊ីណៃ៕
