ដោយ រតនា
ភ្នំពេញ: បង្គោលភ្លើងបំភ្លឺផ្លូវមួយដើមបាក់ធ្លាក់សង្កត់លើកង់បីខ្មែរមួយគ្រឿង បន្ទាប់ពីមាន បុរសម្នាក់ស្រវឹងស្រាបើករថយន្តមួយគ្រឿងបោះពួយយ៉ាងលឿនបានរេចង្កូតជ្រុលទៅបុក ពេញទំហឹង ។
ហេតុការណ៍នេះកើតឡើងកាលវេលាម៉ោង២និង៣០នាទីយប់រំលងអធ្រាត្រឈានចូលថ្ងៃពុធ ទី១១ ខែឧសភាឆ្នាំ២០២២ ស្ថិតតាមបណ្ដោយផ្លូវ២១៥ចំណុចការ៉ាស់សាំងតេលា ជិតអាងទឹកអូរឡាំពិក ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
តាមប្រភពពីបុរសម្ចាស់ដែលឃើញហេតុការណ៏បានឲ្យដឹងថាមុនពេលកើតហេតុគាត់ឃើញបុរសម្នាក់ ស្រវឹងស្រាបានបើករថយន្តម៉ាកហ្វត RANGER ពណ៌ខ្មៅ ពាក់ស្លាកលេខខេមរភូមិន្ទ01.2.1462 ធ្វើដំណើរតាមបណ្តោយផ្លូ២១៥ទិសដៅពីត្បូងទៅជើងក្នុងល្បឿនលឿន ខណះមកដល់ចំណុចកើតហេតុខាងលើបានរេចង្កូតមកខាងស្ដាំដៃជ្រុលទៅបុក បង្គោលភ្លើងបំភ្លឺផ្លូវពេញទំហឹងបណ្ដាលឲ្យបាក់ធ្លាក់សង្កត់លើកង់បីខ្មែរដែលចតលើចិញ្ចើមផ្លូវ ម្ចាស់ដេកក្នុងកង់បីតែសំណាងមិនត្រូវមនុស្ស ហើយរថយន្តក្រឡាប់ផ្ងារមួយចំហៀងភ្លាមៗគេឃើញអ្នកបើករថយន្តបង្កបានតោងឡើងទ្វារខាងលើចេញមកខាងក្រៅមានសភាព ស្រវឹងស្រាឈររ៉េរ៉ឲ្យគេជួយរុញឡានឈរវិញតែគ្មានអ្នកណាហ៊ានជួយ ក្រោយមកបានគេចខ្លួនបាត់។
ក្រោយពេលកើតហេតុសមត្ថកិច្ចជំនាញចរាចរណ៍ក្រុងវាស់វែងយករថយន្តបង្កនិងកង់បីទៅរក្សាទុករងចាំឲ្យម្ចាស់រថយន្តចូលខ្លួនមកដោះស្រាយតាមផ្លូវច្បាប់៕
