ខេត្តកំពង់ឆ្នាំង÷នៅថ្ងៃទី ១០ខែឧសភាឆ្នាំ២០២២នេះ បេីយោងតាម លោក គិត គន្ធា មេបញ្ជាការកងរាជអាវុធហត្ថស្រុកបរិបូណ៌ និង លោក ជាង សុវណ្ណារិទ្ធ អធិការនគរបាលស្រុកបរិបូណ៌បានបញ្ជាក់ប្រាប់អ្នកសារព័ត៌មានតាមទូរសព្ទថា កម្លាំងសមត្ថកិច្ចនៃអធិការនគរបាលស្រុកនិងកម្លាំងកងរាជអាវុធហត្ថស្រុក បរិបូរណ៍បានសហការជាមួយជំនាញសង្កាត់រដ្ឋបាលជលផល បានចុះទៅធ្វើការបង្ក្រាប និង ឃាត់ខ្លួនបានមនុស្សប្រុសស្រីចំនួន ១៤នាក់ នៅចំណុចពីរផ្សេងគ្នា។
ទី១÷ឃាត់ខ្លួនបានមនុស្សប្រុសស្រី ៧ នាក់ ក្នុងនោះមានស្រី 2 នាក់និងប្រុស៥នាក់ ដែលធ្វើសកម្មភាពកាប់ព្រៃក្នុងតំបន់ ៣ នៅចំណុចអ្នកតាទាំង ក្នុងភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌។
ទី២÷ឃាត់ខ្លួនមនុស្សប្រុស.ស្រី ៧ នាក់ថែមទៀតក្នុងនោះមាន ស្រី៣នាក់.ប្រុស៤នាក់ នៅចំណុចភូមិត្រពាំងចាន់ឃុំត្រពាំងចាន់ស្រុកបរិបូរណ៌ខេត្តកំពង់ឆ្នាំង។
បន្ទាប់ពីការឃាត់ខ្លួន នៅម៉ោងប្រមាណជា ៥ ល្ងាចនៅថ្ងៃដដែលជនសង្ស័យទាំង១៤នាក់ត្រូវបានសមត្ថកិច្ចជំនាញកសាងសំណុំរឿង បញ្ជូនជនសង្ស័យទាំង ១៤នាក់ បន្តទៅកាន់ស្នងការដ្ឋាននគរបាលខេត្តកំពង់ឆ្នាំងដើម្បីចាត់ការបន្តតាមនីតិវិធីច្បាប់៕
